Gobiernu del Principau d'Asturies

Asturies, muncho más cerca

Tas en

Asturias.es El Principáu axudica’l contratu de roza y llimpieza de ...
 

Aniciu

El Principáu axudica’l contratu de roza y llimpieza de carreteres, que va tar vixente hasta’l 2023

La contratación implica una inversión de 2,5 millones anuales y va dexar adelantar estos trabayos nos años vinientes. Estes actuaciones refuerce los llabores que faen caldía les brigaes de caltenimientu

29/09/2020

La Conseyería de Mediu Rural y Cohesión Territorial axudicó’l serviciu de roza y llimpieza de carreteres, que pela primer vez realízase al traviés d’un contratu plurianual. Esta midida va dexar entainar con estos trabayos nos años vinientes y ameyorar la calidá del serviciu, al garantizar la execución correcta de los llabores nel momentu necesariu.

Esti contratu, que refuerza la xera que lleven a cabu les brigaes de carreteres de la Dirección Xeneral d’Infraestructures Viaries y Portuaries, va tar vixente hasta’l 2023, sal pa dos años, prorrogables otros dos, y va suponer una inversión de 2,5 millones anuales.

Esta contratación nueva enmárcase nel apueste del Gobiernu d’Asturies pol caltenimientu de les infraestructures de la comunidá, que tamién llevó a aumentar anguaño un 12 % el presupuestu destináu a la rede de carreteres.

A la batería de midíes empobinaes a la meyora de la xestión alministrativa, pa llograr más axilidá y eficiencia, súmense otres acciones como’l paquete de 33 obres urxentes en caltenimientu de víes nel mediu rural, que yá se tán executando y que suponen una inversión de 1,2 millones. Estes actuaciones sofiten ún de los oxetivos principales de la conseyería, que consiste en vincular dos polítiques rellacionaes estrechamente: la meyora de les infraestructures y el desenvolvimientu del mediu rural.

La rede asturiana de carreteres ta compuesta por 472 carreteres que sumen camín de los 4.200 kilómetros de llargor.


Icono gráfico alusivo al tipo de archivo Audiu (Audiu: 370 Kb) (n'español)

Información sobre el documento

© Copyright 2006. Gobiernu del Principau d'Asturies