Gobiernu del Principau d'Asturies

Asturies, muncho más cerca

Tas en

Asturias.es Temes Ganadería El Gobiernu d'Asturies destina cuatro millones a impulsar ...
 

Ganadería

El Gobiernu d'Asturies destina cuatro millones a impulsar proyectos innovadores de los grupos operativos de desenvolvimientu rural

Estes subvenciones, que van de 5. 000 a 200. 000 euros, sofiten idees novedoses en ganadería, agricultura, silvicultura, industria agroalimentaria y mediu ambiente

14/07/2019

El Gobiernu d'Asturies autorizó un gastu plurianual de 4.000.000 euros pa la concesión d'ayudes, al traviés de convocatoria pública, destinaes a la selección y puesta en marcha de proyectos innovadores de los grupos operativos de productividá y sostenibilidá agrícola, nel marcu del Programa de Desenvolvimientu Rural. Los fondos distribúyense en dos anualidaes: 1.000.000 euros anguaño y 3.000.000 el próximu.

Les subvenciones tán destinaes a impulsar iniciatives novedoses n’ámbitu de la ganadería, l'agricultura, la silvicultura, la industria agroalimentaria, el desenvolvimientu rural y el mediu ambiente pa dar solución a problemes concretos. La so finalidá ye facer más competitivos los sectores agroalimentariu y forestal, contribuyir a la seguridá alimentaria, la diversificación de producciones y el suministru de materies primes, aprovechando la conocencia científica.

Les ayudes van dende un mínimu de 5.000 euros hasta un máximu de 200.000 por proyectu.

N'Asturies existen 19 grupu operativos, a que la so creación y puesta en marcha la Conseyería de Desenvolvimientu Rural destinó alredor de mediu millón d'euros l'añu pasáu. Son estos:

   - Inno wolf and cattle. Soluciones innovadores na xestión del conflictu ente ganadería estensiva y grandes carnívoros.
   - Asturfarm2. Sistema integral d'agricultura intelixente n'esplotaciones ecolóxiques aisllaes.
   - Castanea. Caltenimientu de la biodiversidá de cultivos tradicionales de castañal y tresformamientu del frutu en farina.
   - Fast. Optimización de la calidá de la faba asturiana mediante la meyora del sistema d'esplotación.
   - Miconatura. Cultivu ecolóxicu del hongu shiitake y desenvolvimientu d'un protocolu d'aprovechamientu sostenible de la biodiversidá fúnxica pa favorecer la crecedera económica nel mediu rural.
   - Pequeñ@s producto@s. Creación d'una cooperativa de distribución de productos agroalimentarios de pequeñes productores locales.
   - Eucalyptus globulus. Selvicultura y aprovechamientos forestales de los montes y inclusión social.
   - Huella de carbono. Desenvolvimientu d'acciones de control, eficiencia enerxética y amenorgamientu de la buelga de carbonu nel mediu rural.
   - Mieles de Asturias. Miel, sector apícola.
   - Manzana de sidra. Cultivu de la mazana de sidra.
   - Agro emprende. Busca de soluciones innovadores pal fomentu de la cultura entamadora.
   - Comercialización sidra. Fórmules nueves de promoción y comercialización de la sidra.
   - I-Core. Proyectu pa la meyora de la rentabilidá d'esplotaciones de vacunu de lleche mediante la xeneración de valor añedíu nos xatos mamonos non destinaos a la recría.
   - Biomastreat. Control y tratamientu biolóxicu de la mamitis bovina.
   - Smart rural network. Iniciatives innovadores pal tresformamientu dixital del mediu rural al traviés del desenvolvimientu de tecnoloxíes nueves.
   - Merevacar. Meyora de la eficiencia reproductiva del ganáu vacuno.
   - Vinos DOP de Cangas. Caracterización y innovación.
   - Depurbiochar. Proyectu d'innovación pal tratamientu de la contaminación con biochar, carbón vexetal que se llogra de la valoración de biomasa residual por aciu pirolisis.
   - Hortícolas ecológicos. Meyora de la producción y suministru de productos hortofrutícoles ecolóxicos locales de calidá.

Estos grupos tán formaos por axentes de distintos perfiles: llabradores, ganaderos, selvicultores, industries agroalimentaries o forestales, centros públicos o privaos d'I+D+i o de formación y asesoramientu, centros tecnolóxicos o instituciones ensin fines d'arriquecimientu, ente más otros, que s’asocien pa consiguir soluciones a los sos retos, al traviés d'una acción conxunta y multisectorial.

El sofitu a los grupos operativos y a los proyectos innovadores aspira a crear valor añedíu y a favorecer una rellación más estrecha ente la investigación y les práctiques agrícola y forestal, asina como a promover una aplicación práctica más rápida de soluciones novedoses.

 

   Icono gráfico alusivo al tipo de archivo Audiu (Audiu: 723 Kb) (n'español)

Información sobre el documento

© Copyright 2006. Gobiernu del Principau d'Asturies