Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes Politica Forestal El Conseyu Forestal va priorizar la prevención de quemes, ...
 

Politica Forestal

El Conseyu Forestal va priorizar la prevención de quemes, l'aprovechamientu de los recursos y la xeneración de riqueza nel mediu rural

L’órganu aprobó la creación de dos comisiones pa impulsar l’actualización del plan forestal y modificar la Llei de Montes

Un momentu de la xunta

28/01/2020

El Conseyu Forestal del Principáu d'Asturies punxo en marcha les comisiones que van desenvolver les principales llinies del nuevu modelu forestal, centráu na prevención de quemes, la fixación d'actividá, l'aprovechamientu de los recursos y la xeneración de riqueza nel mediu rural. Estos grupos de trabayu van ser los encargaos d'actualizar el plan forestal y modificar la Llei de Montes.

El conseyeru de Desenvolvimientu Rural, Agroganadería y Pesca, Alejandro Calvo, presidió güei la xunta d'esti órganu, del que formen parte, amás de responsables de distintes árees del Principáu, representantes d'entidaes locales; empreses del sector; axentes sociales, mesmo federaciones d'empresarios como sindicatos mayoritarios; propietarios forestales; colectivos ecoloxistes; colexos profesionales; Universidá d'Uviéu y centros d'investigación venceyaos a esti ámbitu.

All respective del cambéu del Plan Forestal del Principáu d'Asturies, que va tar vixente pal periodu 2020-2035, el titular de Desenvolvimientu Rural esplicó que “va responder prioridaes rellacionaes, fundamentalmente, cola prevención de quemes, con movilizar la propiedá, l'usu y la rentabilidá del monte, pa poder xenerar riqueza nel mediu rural”.

Otru de los asuntos abordaos na xunta foi la renovación normativa. La comisión encargada va tener como principal oxetivu modificar l'actual Llei de Montes p'adaptala a la realidá asturiana y a la llexislación vixente a nivel nacional y européu. Tamién tendrá de contribuyir a regular el sector nes próximes décades, adaptándolo a los trescendentales cambeos que se tán danto en materia medioambiental y nos que los montes asturianos xueguen un papel fundamental como activu económicu y de sostenibilidá, yá que son grandes captadores de CO2.

Nesti sentíu, el cambéu d'esta llei álzase como'l preséu necesariu pa introducir nuevos modelos de xestión, dar seguridá xurídica a propietarios, optimizar la superficie forestal p'aprovechar tol potencial de los montes asturianos, regulando la biomasa y otros subproductos forestales como elementos fundamentales nel desenvolvimientu de nueves fontes de producción enerxética sostenibles.

   Icono gráfico alusivo al tipo de archivo Audiu (Audiu: 512 Kb) (n'español)

Información sobre el documento

© Copyright 2006. Gobiernu del Principau d'Asturies