Gobiernu del Principau d'Asturies

Asturies, muncho más cerca

Tas en

Asturias.es Temes Tresportes Los trenes turísticos entamen güei les sos rutes per Asturies, ...
 

Tresportes

Los trenes turísticos entamen güei les sos rutes per Asturies, pa las que s’ufierten 600 places

El primer convoy salió pela mañana de Xixón y cubrió l’itunerariu temáticu Puertos y acantilados. El preciu per cada percorríu ye de 45 euros, pero los menores de 4 a 13 años abonen una tarifa reducía de 20

izda. a dcha: Alcaldesa Muros de Nalón, Carmen Arango; Alcaldesa de Carreño, Amelia Fernández; Alcaldesa de Gijón, Ana González; Consejero de Empleo, Industria y Turismo, Isaac Pola; Decana de la Facultad de Turismo de Oviedo, Marián Rúa; Dtor. Gral. de Comercio y Turismo, Julio González Zapico. En segundo término Presidente de la Federación Asturiana de Empresarios FADE, Belarmino Feito, responsables de las Cámaras de Comercio de Gijón, Avilés y Oviedo y otros participantes

13/07/2019

El proyectu Trenes turísticos d’Asturies realizó güei el so primer trayectu col oxetivu de promocionar l'usu del ferrocarril como mediu de tresporte sostenible y les actividaes culturales, turístiques y sociales del Principáu. El percorríu, nel que participó'l conseyeru d'Empléu, Industria y Turismu en funciones, Isaac Pola, partió de Xixón pa cubrir la ruta Puertos y acantilados, una de los trés que forma parte de la iniciativa impulsada pol Executivu autonómicu y Renfe.

El director xeneral de Comerciu y Turismu, Julio González Zapico, tamién participó nel primer viaxe, al que se sumaron, amás, representantes de los conceyos polos que pasen los itinerarios, lo mesmo que d’entidaes empresariales; n'especial, les venceyaes col sector turísticu.

La ruta Puertos y cantiles, que va tener una segunda edición el día 10 d'agostu, partió a les 9:15 hores pa visitar el cabu Peñes y Candás, facer parada nel mirador del Espíritu Santu, en Muros de Nalón, y rematar con un paséu en Cuideiru, antes de tornar a Xixón.

La próxima salida va corresponder a la Ruta de la sidra y los dinosaurios, el 20 de xunetu dende Uviéu. Inclúi visites al Muséu del Xurásicu d'Asturies (MUJA), según a equipamientos ya instalaciones rellacionaes cola cultura sidrera, tanto en Villaviciosa como en Nava. Va Tener parada, coles mesmes, en Les Arriondes. La segunda sesión d'esti percorríu ta prevista'l 24 d'agostu.

La ruta La biosfera y la mina, que va conectar Xixón col Parque Natural de Redes, va desenvolvese los díes 27 de xunetu y 17 d'agostu ya inclúi una parada en La Pola Llaviana y una visita al Muséu de la Minería y l'Industria, n'El Entrego.

El Gobiernu d'Asturies y Renfe roblaron un alcuerdu'l pasáu xunu pol que'l Principáu financia parte del proyectu y empresta sofitu técnicu a la compañía pal diseñu de les rutes. Pela so parte, la empresa ferroviaria asume les obligaciones y responsabilidaes del tresporte de viaxeros y contrata los autobuses pa complementar cada itinerariu.

El preciu pa cada ruta ye de 45 euros por adultu, con tarifa amenorgada de 20 euros pa menores de 4 a 13 años. En total, va haber 600 places disponibles, 100 por cada ruta y salida.

Pa la promoción y comercialización d'estos productos, Renfe cunta col portal de viaje www.renfe.com/trenesturisticos, agospiáu na web www.renfe.com.

 

   Icono gráfico alusivo al tipo de archivo Audiu (Audiu: 1 Mb) (n'español)

Información sobre el documento

© Copyright 2006. Gobiernu del Principau d'Asturies