Gobiernu del Principau d'Asturies

Asturies, muncho más cerca

Tas en

Asturias.es Educación entama mañana una xornada sobre innovación y ...
 

Aniciu

Educación entama mañana una xornada sobre innovación y motivación a la que va asistir Marc Vidal, espertu en tresformamientu dixital

La conseyera Carmen Suárez va inaugurar la sesión, abierta y gratuita, que va ser clausurada pol titular de Ciencia, Borja Sánchez

02/12/2019

La Conseyería d'Educación, al traviés de la Dirección Xeneral d'Enseñances Profesionales, entama mañana la xornada Innovación Educativa en la Revolución Digital, na que participa, ente otros ponentes, l'analista, consultor y profesor Marc Vidal, especializáu n'ayudar a empreses y instituciones a realizar los cambeos tecnolóxicos que dexen identificar los desafíos del tresformamientu dixital.

La sesión incluye la conferencia que va impartir la directora d'Educación y Formación de la Fundación Cotec pa la Innovación, Ainara Zubillaga, que va encarar les claves de la formación profesional pal empléu del futuru. Los asistentes tamién van poder conocer cómo aprienden a anovar organizaciones asturianes como Capsa, vinculada al sector lacteu, y Zapiens, especializada na xestión de la conocencia y la dixitalización, al traviés de los testimonios de los sos responsables.

La xornada, que va celebrase a partir de les 17:00 hores na Universidá Llaboral de Xixón, va ser inaugurada pola conseyera d'Educación, Carmen Suárez, y clausurada pol conseyeru de Ciencia, Innovación y Universidá, Borja Sánchez.

L'asistencia ye abierta y gratuita hasta completar l'aforu, previa inscripción al traviés del enllaz https://www.educastur.es/-/jornada-innovacion-educativa-en-la-revolucion-digital

Información sobre el documento

© Copyright 2006. Gobiernu del Principau d'Asturies