Gobiernu del Principau d'Asturies

Asturies, muncho más cerca

Tas en

Asturias.es L’Idepa concede 752.500 euros n’ayudes a pymes nel marcu del ...
 

Aniciu

L’Idepa concede 752.500 euros n’ayudes a pymes nel marcu del programa Cheques, qu’impulsa el desenvolvimientu tecnolóxicu d’ empresas

La comisión de valoración de la convocatoria aprueba 157 proyectos que van movilizar una inversión global próxima a los dos millones. L'oxetivu d'esta llinia de subvenciones ye incrementar la competitividá de compañíes y autónomos, al traviés de servicios d'asesoramientu y asistencia técnica

23/10/2020

L’Institutu de Desenvolvimientu Económicu del Principáu (Idepa) destina 752.500 euros, n'ayudes a pequeñes y medianes empreses nel marcu del programa Cheques, lo que supón 435.500 más que l'añu pasáu. La comisión d'evaluación d'esta convocatoria aprobó 157 proyectos, de los 214 presentaos, con una inversión global de 1.944.528 euros. La subvención consiste na concesión de cheques per valor d'hasta 7.500 euros pa trocar servicios d'asesoramientu, asistencia técnica y consultoría.

L'oxetivu d'esta llinia d'ayudes ye incrementar la competitividá de pymes y autónomos al traviés de servicios d'asistencia técnica nos campos d'especialización de la Estratexa Asturies RIS3 o al traviés de servicios de consultoría nel ámbitu del diseñu, la certificación, la dixitalización de la empresa, los procesos de sucesión y el crecimiento empresarial emprestaos por empreses especializaes.

Les árees d'actuación más beneficiaes fueron l'asesoramientu tecnolóxicu, con 315.000 euros concedíos, y la dixitalización de la empresa, con 336.250.

La implantación de soluciones TIC para la dixitalización de la empresa triplicó les solicitúes al respective de 2019, lo que constata l'esfuerzu realizáu poles pymes pa incorporar nueves tecnoloxíes a los sos procesos granibles y nel desenvolvimientu de la industria 4.0.

En 2019, esta convocatoria recibió 100 proyectos, de los que s'aprobaron 62.

Información sobre el documento

© Copyright 2006. Gobiernu del Principau d'Asturies