Gobiernu del Principau d'Asturies

Asturies, muncho más cerca

Tas en

Asturias.es Temes Educación Un total de 108 centros educativos van recibir dispositivos para ...
 

Educación

Un total de 108 centros educativos van recibir dispositivos para retresmitir clases en directo y fomentar el deprendimientu n’entornos dixitales

Educación va distribuir cámares, ordenadores y monitores táctiles n’institutos, centros de Formación Profesional y p’adultos y escueles oficiales de idiomas. La conseyería estableció un criteriu homoxeneu en función de la matrícula pal repartu de los equipamientos

07/10/2020

La Conseyería d'Educación va dotar de tecnoloxía pa poner clase en streaming a 108 centros qu'apliquen el modelu semipresencial a partir de terceru de la ESO, al tiempo que va fomentar les competencies dixitales y l'aprendizaxe en tiempu real o diferíu n’entornos tecnolóxicos. Los equipamientos van llegar a tolos institutos, centros d'educación d'adultos, escueles oficiales d'idiomes y Centros Integraos de Formación Profesional (CIFP), lo mesmo qu’a la Escuela d'Arte.

La Dirección Xeneral de Seguridá y Estratexa Dixital empecipió la compra de mil cámares web, 1.500 ordenadores d'aula con monitores táctiles y otros 500 monitores táctiles más p’acoplar a dispositivos yá disponibles nos centros. Amás, tán adquiriéndose otros 1.500 portátiles con pantalla táctil pal profesoráu y 1.200 equipos con conectividá pal alumnáu en riesgu de fienda dixital. El plazu d'entrega anda ente dos y trés selmanes, en función de la disponibilidad.

El presupuestu total que'l Gobiernu d'Asturies destina a la compra d'esta tecnoloxía xube a 3,2 millones. Amás, ta tramitándose un conveniu cola entidá pública Red.es, que va suponer 1,7 millones más pal refuerzu informáticu del sistema educativu.

Educación estableció un criteriu homoxéneu pa la repartida de los dispositivos, colos que pretende asegurase la calidá de la enseñanza telemática en toes aquelles circunstancies nes que nun sía posible l'asistencia presencial. En concretu, tomó como referencia'l númberu d'unidaes con más de 16 estudiantes matriculaos el cursu pasáu, a partir de terceru de la ESO. Cada centru va recibir material abondo pa dotar les aules que cumplíen esti requisitu.

L'Alministración introdució delles escepciones, en centros de característiques singulares, para garantizar l'equipamientu naquellos que nun algamen l'alumnáu mínimo por clase. Ese foi'l casu de los colexos públicos d'enseñanza básica (CEPB), que s'asientan na zona rural y qu'imparten dende Infantil hasta cuartu d'ESO.

Les aules van cuntar con una cámara web afitada en techu y asitiada a dos o trés metros del enceráu. Va tar asitiada n'ángulu para ufiertar la meyor perspectiva posible del trabayu docente. Una empresa va encargase d'instalar y configurar los dispositivos nes aules que determinen los equipos directivos.

El monitores táctiles, pela so parte, van dexar al profesoráu convertir l'ordenador nun enceráu de tinta dixital que, xunto coles aplicaciones de Microsoft 365, va facilitar el siguimientu de les clases en tiempu real. Amás, los conteníos van poder quedar disponibles para la so consulta en cualquier momentu.

Información sobre el documento

© Copyright 2006. Gobiernu del Principau d'Asturies