Gobiernu del Principau d'Asturies

Asturies, muncho más cerca

Tas en

Asturias.es Temes Tresportes El Consorciu de Tresportes pon en marcha un serviciu d'autobús ...
 

Tresportes

El Consorciu de Tresportes pon en marcha un serviciu d'autobús nocherniegu ente Cangas y Uviéu pa La Descarga

El CTA y Alsa refuercien los servicios diurnos dende dellos puntos d'Asturies y habiliten ‘búhos’ pa la madrugada del día 17

09/07/2019

El Consorciu de Tresporte d'Asturies (CTA) va poner en marcha anguaño pela primer vez mientres la nueche del 16 al 17 de xunetu, coincidiendo con La Descarga, en Cangas, un serviciu d'autobús nocherniegu (‘búho’) ente la capital del conceyu y Uviéu, que va dexar a les persones qu'asistan a la fiesta tornar a casa de manera segura.

De la mesma, Alsa va reforciar los servicios diurnos escontra Cangas dende dellos oríxenes (dende Uviéu, a les 14, 16, 17:30 y 20 hores) y van establecese salíes especiales y reforzaes de regresu a la capital asturiana a les 23 hores y na madrugada del día 17, a les 6:15 y 6:40 hores.

Otra manera, va haber autobuses nocherniegos pel itinerariu habitual entre Cangas y Tinéu, con salíes de Cangas a les 23:00, 1:00, 3:00, 5:00 y 6:00 hores, y regresu dende Tinéu na madrugada del miércoles a medianueche y a les 2:00, 4:00, 5:30 y 6:30 hores.

Estos servicios súmense a otros que’l CTA ta impulsando estos meses en distintos puntos pa siguir reforzando y ameyorando una rede d'autobuses ‘búho’ que garantice desplazamientos más seguros. Nesti sentíu, amplió'l serviciu nocherniegu ente Uviéu, Xixón y Avilés, qu'antes s'emprestaba namás los vienres y sábadu y que del 7 de xunetu al 30 d'agostu va ufiertase a diario.

 

   Icono gráfico alusivo al tipo de archivo Servicios BUHO Tinéu (Pdf: 910 Kb)
   Icono gráfico alusivo al tipo de archivo Servicios especiales (Pdf: 910 Kb)

Información sobre el documento

© Copyright 2006. Gobiernu del Principau d'Asturies