Gobiernu del Principau d'Asturies

Asturies, muncho más cerca

Tas en

Asturias.es El Gobiernu d’Asturies entama la campaña d’acoyida infantil en ...
 

Aniciu

El Gobiernu d’Asturies entama la campaña d’acoyida infantil en Avilés con 240 entrevistes a families interesaes

- La Conseyería de Derechos Sociales amplía esti añu les ayudes a les persones acoyedores hasta 700 euros mensuales

22/10/2020


  • Melania Álvarez destaca que “l’entornu afayadizu pal desenvolvimientu d'un menor siempre ye'l calor y el cariñu d'un llar”

El Gobiernu d'Asturies entama güei n'Avilés la campaña d'acoyimientu infantil Te taba esperando, empobinada a buscar families a ventiún neños y neñes d'hasta trés años que viven en centros del Principáu, n'alcordando yá entevistes con 240 families interesaes.

La campaña llega a Avilés, tres el so pasu per Xixón y Uviéu, cola instalación d'un cubu de grandes dimensiones na pista de la Esposición del parque de Les Meanes, onde va permanecer hasta'l 29 d'ochobre.

La Conseyería de Derechos Sociales y Bienestar amplió anguaño hasta 700 euros mensuales les ayudes que perciben les persones que se faen cargu de menores institucionalizaos, una midida adoptada para favorecer l'acoyimientu y dar respuesta a les necesidaes económiques que se deriven d'él.

La conseyera Melania Álvarez participó na presentación de la campaña xunto col director del Institutu Asturianu pa l'Atención Integral a la Infancia y a les Families, Carlos Becedóniz, y l'artista asturianu Rodrigo Cuevas, que collabora nesta iniciativa.

“ Cualesquier persona con 25 años o más puede acoyer; existen munchos modelos de familia y l’entornu afayadizu pal desenvolvimientu d'un menor siempre ye'l calor y el cariñu d'un llar”, sorrayó Álvarez.

Les persones interesaes nel acoyimientu pueden llamar a los teléfonos gratuitos: 900 701 127 y 900 907 052. Tamién disponen de los datos na web www.familiasacogedoras.es y na mesma Conseyería de Derechos Sociales y Bienestar.

Información sobre el documento

© Copyright 2006. Gobiernu del Principau d'Asturies