Gobiernu del Principau d'Asturies

Asturies, muncho más cerca

Tas en

Asturias.es Política de Privacidá
 

Política de Privacidá

Política de Privacidá

L’Alministración del Principáu d’Asturies respeta la llexislación vixente en materia de protección de datos personales, la privacidá de los interesaos y el secretu y seguranza de los datos personales, d’alcuerdu colo establecío na llexislación aplicable en materia de protección de datos, en concreto, el Reglamentu (UE) 2016/679 del Parllamentu Européu y del Conseyu de 27 d’abril del 2016, tomando pa eso les midíes técniques y organizatives necesaries pa evitar la perda, mal usu, alteración, accesu non autorizáu y robu de los datos personales apurríos, teniendo en cuenta l’estáu de la tecnoloxía, la naturaleza de los datos y los riesgos a los que tán espuestos. 

Infórmase a los usuarios d’esti portal que los sos datos de calter personal namás van poder obtenese pal so tratamientu cuando seyan adecuaos, pertinentes y non escesivos al respective del ámbitu y les finalidaes determinaes, esplícites y llexítimes pa les que s’obtuvieren. 

Cuando se recueyan datos personales al traviés de cualquier portal de l’Alministración del Principáu d’Asturies, va informase previamente al usuariu, de forma clara y inequívoca, d’estos estremos: 

 - Existencia d’un tratamientu de datos de calter personal.

 - La identidá y los datos de contactu del responsable del tratamientu.

 - Los datos de contactu del Delegáu de Protección de Datos.

 - Los fines del tratamientu a que se destinen los datos personales y la base xurídica del tratamientu.

 - Los destinatarios o les categoríes de destinatarios de los datos personales, nel so casu.

 - Nel so casu, la intención del responsable del tratamientu de tresferir datos personales a un tercer país.

 - El plazu o los criterios de caltenimientu de la información.

 - La existencia del derechu a solicitar al responsable del tratamientu l’accesu a los datos personales relativos al interesáu, y la so rectificación o supresión, o la llimitación del so tratamientu, el derechu a la portabilidá de los datos, o a oponese al tratamientu. Asina mesmo, la manera d’exercitar los derechos indicaos.

 - Cuando’l tratamientu tea basáu nel consentimientu del interesáu. La existencia del derechu a retirar el consentimientu en cualquier momentu, ensin qu’eso afecte a la llicitú del tratamientu basáu nel consentimientu previu a la so retirada. Si’l tratamientu nun ta basáu nel consentimientu, el so derechu a exercer la oposición al tratamientu.

 - El derechu a presentar una reclamación énte una autoridá de control.

 - La existencia, si les hubiere, de decisiones automatizaes, incluyida la ellaboración de perfiles y l’exerciciu de derechos asociaos a esi tratamientu. 

L’usuariu va ser l’únicu responsable por cuenta de la cumplimentación de los formularios con datos falsos, inexactos, incompletos o non actualizaos.

 

Responsable del tratamientu

Los datos de calter personal que se pudieren recoyer directamente del interesáu van tratase de forma confidencial y van quedar incorporaos a la correspondiente actividá de tratamientu titularidá de l’Alministración del Principáu d’Asturies.

La llista actualizada de les actividaes de tratamientu que l’Alministración del Principáu d’Asturies lleva a cabu, atópase disponible na sede electrónica al traviés d’esti enllaz: https://sede.asturias.es

 

Finalidá

La finalidá del tratamientu de los datos correspuende a caúna de les actividaes de tratamientu que realiza l’Alministración del Principáu d’Asturies y que tán accesibles na sede electrónica al traviés d’esti enllaz: https://sede.asturias.es

 

Llexitimación

El tratamientu de los sos datos faise pal cumplimientu d’obligaciones llegales pola Alministración del Principáu d’Asturies, pal cumplimientu de misiones realizada n’interés públicu o nel exerciciu de poderes públicos conferíos a l’Alministración del Principáu d’Asturies, amás de cuando la finalidá del tratamientu precise’l so consentimientu, qu’ha dase con una acción afirmativa clara.

Pue consultar la base llegal pa caúna de les actividaes de tratamientu que lleva a cabu l’Alministración del Principáu d’Asturies nesti enllaz: https://sede.asturias.es

 

Caltenimientu de datos

Los datos personales apurríos van caltenese tol tiempu necesariu pa cumplir cola finalidá pa la que se piden y pa determinar les posibles responsabilidaes que se pudieren derivar de la finalidá, amás de los periodos establecíos na normativa d’archivos y documentación.

 

Comunicación de datos

Con calter xeneral nun se van comunicar los datos personales a terceros, sacante obligación llegal, ente les que puen tar les comunicaciones al Defensor del Pueblu, Xueces y Tribunales, interesaos nos procedimientos rellacionaos coles reclamaciones presentaes.

Pue consultar los destinatarios pa caúna de les actividaes de tratamientu que lleva a cabu l’Alministración del Principáu d’Asturies nesti enllaz: https://sede.asturias.es

 

Derechos de los interesaos

Cualquier persona tien derechu a obtener confirmación sobre los tratamientos que de los sos datos se lleven a cabu pola Alministración del Principáu d’Asturies. 

Pue exercer los sos derechos d’accesu, rectificación, supresión y portabilidá de los sos datos, de llimitación y oposición al so tratamientu, amás d’a nun ser oxetu de decisiones basaes namás nel tratamientu automatizáu de los sos datos, cuando procedan, al traviés del Serviciu d’Atención Ciudadana (SAC) de l’Alministración del Principáu d’Asturies, presentando’l formulariu normalizáu, disponible en https://sede.asturias.es, que va poder localizar introduciendo’l códigu 201200088 nel buscador de la cabecera (asitiáu na parte cimera derecha de la páxina), electrónicamente o presencialmente al traviés del Rexistru Xeneral Central de l’Alministración del Principáu d’Asturies o per cualquiera de los medios establecíos na Llei de Procedimientu Alministrativu. 

Ensin perxuiciu de cualquier otru recursu Alministrativu o acción xudicial, tou interesáu va tener derechu a presentar una reclamación énte una Autoridá de Control en materia de Protección de Datos competente, si considera que’l tratamientu de datos personales que-y concierne infrinxe la normativa en materia de Protección de datos personales.

 

Información sobre el documento

© Copyright 2006. Gobiernu del Principau d'Asturies