Rexistru d’Esplotaciones Agrícoles y Cuadernu Dixital d’Esplotación
Nel paquete normativu aprobáu pol Estáu pa laplicación de la Política Agrícola Común nueva 2023-2027 inclúyesel Real Decretu 1054/2022, de 27 davientu, pol que sestablez y regulal sistema dinformación desplotaciones agrícoles y ganaderes y de la producción agraria (SIEX, dequí palantre), amás del rexistru autonómicu desplotaciones agrícoles (REA, dequí palantre) y el cuadernu dixital desplotación agrícola (CUE, dequí palantre).
El SIEX ye un conxuntu de bases de datos y rexistros alministrativos interconectaos cola información de les esplotaciones agraries y intégrenlu, ente otros, dos componentes autonómicos que son el cuadernu dixital desplotación agrícola (CUE) y el rexistru autonómicu desplotaciones agrícoles (REA).
Registro Autonómico de Explotaciones Agrícolas (REA)
El REA incluye tola información xeneral de la esplotación agraria y la relativa a les unidaes de producción agrícoles.
L'Anexu I del documentu técnicu de coordinación del SIEX, establez el so conteníu mínimu.
¿Cómo s'accede al REA?
L'accesu al REA faise al traviés de l'aplicación de la PAC 2023-2027 SGA.
¿Quién pue acceder?
- Los titulares de les esplotaciones agrícoles.
- Les persones o entidaes habilitaes autorizaes: Ver apartáu "Tramite d'autorización”
¿Qué información hai nel REA y cómo s'actualiza?
La información disponible anguao nel REA ye la procedente de les solicitúes PAC 2024, REGEPA 2023 y de les solicitúes d'inscripción y actualización del REA realizaes polos titulares d'esplotaciones agraries, amás d'información complementaria disponible y cargada d'oficiu pola Alministración del Principáu d'Asturies.
Si yes solicitante d'ayudes PAC 2025, el to REA va actualizase automáticamente de la que rexistres la to solicitú única colos datos conteníos nella. Si quies facer dalgún cambéu nel to Rexistru d'Esplotación nel plazu de presentación de solicitúes dayuda, has presentar una modificación de la to solicitú d'ayudes PAC 2025.
Si quiés actualizar los datos de la to esplotación desque remate'l plazu de presentación de solicitúes d'ayudes PAC 2025, has siguir la tramitación ordinaria de modificación de la inscripción nel Rexistru correspondiente.
Si non yes solicitante d'ayudes PAC2025, tienes qu'inscribir nel REA la to esplotación y/o rexistrar los cambeos que s'efectúen na estructura de la esplotación agrícola.
Cuaderno Digital de Explotaciones Agrícolas (CUE)
El CUE ye la ferramienta dixital que dexa a los titulares d'esplotaciones agraries anotar les actividaes realizaes na so esplotación recoyendo, ente otres, les aplicaciones fitosanitaries, fertilización, riegu o les actuaciones nes superficies acoyíes a los ecorrexímenes.
La cumplimentación con medios electrónicos del Cuadernu Dixital d'Esplotación Agrícola va ser voluntaria siempre y cuando nun exista disposición normativa sectorial pola que se determine un rexistru electrónicu obligáu de los datos de determinaes actividaes agraries.
Los titulares de les esplotaciones pueden usar:
- El CUE qu'apurre la comunidá autónoma y al que se pue acceder al traviés de l'Aplicación SGA
- El CUE desenvueltu pola iniciativa privada (CUE comercial) autorizáu primero pola Alministración
- Ver apartáu "Tramite d'autorización" CUE comercial
- Llista d'empreses autorizaes pal desenvolvimientu d'un CUE comercial
Pa rellenar el cuadernu desplotación, el titular de la esplotación agraria pue acceder personalmente o autorizar a una entidá collaboradora habilitada.
Trámite d'autorización
El Principáu dAsturies va facer tola tramitación al traviés del Rexistru dAutorizaciones de SGA.
Empreses desarrollaes CUE Comercial
Si yes un desarrollador de software y quies rexistrar el to cuadernu de campu comercial nel Principáu d'Asturies, has presentanos dellos datos al traviés de l'aplicación SGA entrando nel portal dentidaes collaboradores (SGA PEC). Depués hai quentrar en "Mis explotaciones" y "Empresas desarrolladoras CUE" - botón "Nuevo".
Los datos qu'hai que presentar son:
- Nome del software del CUE Comercial.
- Dominiu dende'l que van mandar la información (casu centralizáu)
- NIF y Nome o Razón Social de la empresa y datos de contactu.
Una empresa desarrolladora pue rexistrar más d'una combinación de software y dominiu dende'l que se va mandar la información.
El Ministeriu d'Agricultura, Pesca y Alimentación ye quien desenvuelve les interfaces necesaries pa dexar la comunicación ente los cuadernos comerciales y el CUE pa que pueda mandase la información d'actividaes rexistraes dende los cuadernos comerciales al CUE.
Nun pue usase un CUE comercial directamente polos titulares de les esplotaciones ensin qu'haya una entidá habilitada pa CUE comercial.
Entidaes habilitaes
Han habilitase les persones físiques o xurídiques que, actuando en representación del titular de la esplotación, quieran acceder al REA desi titular y rellenar/consultar el so CUE
Procedimientu d'habilitación:
2.1. Entidá Habilitada pa la tramitación de les Ayudes PAC incluyíes na S.U.
Les entidaes collaboradores PAC, en base a lo dispuesto na normativa reguladora (Resolución de 7 dabril del 2025 de la Conseyería de Mediu Rural y Política Agraria), van poder acceder a los datos del CUE y del REA solicitando l'ampliación del so perfil d'usuariu SGA y cola autorización del titular de la esplotación.
2.2. Otres Entidaes
Han rexistrase nel portal dentidaes collaboradores (SGA PEC) como entidá habilitada pa CUE y REA, entrando con certificáu electrónicu al traviés de l'Aplicación SGA.
¿Qué xestión pueden facer les Entidaes Habilitaes?
Les entidaes habilitaes, por cuenta'l titular de la esplotación, pueden:
- Usar el CUE que facilita l'Alministración y modificar el REA: habrá disponer de los anexos de representación de los titulares d'esplotación (Anexu VIII del Documentu Técnicu)
- Usar un CUE comercial y modificar el REA, qu'ha tar autorizáu primero na Llista d'empreses de software de CUE comercial: habrá disponer de los anexos de representación de los titulares d'esplotación (Anexu VIII del Documentu Técnicu) y por parte del CUE Comercial disponer del Anexu IX del Documentu Técnicu.
- En cualquiera de los dos casos anteriores, si'l llabrador nun autoriza a modificar el REA pero sí que dexa visualizar la información: habrá disponer del Anexu IX del Documentu Técnicu
Los mentaos Anexos del Documentu Técnicu han tar a disposición de l'Alministración, que va poder solicitalos si asina lo considera.
Normativa reguladora
- Llei 30/2022, de 23 d'avientu, pola que se regulen el sistema de xestión de la Política Agrícola Común y otres materies conexes.
- Real Decretu 1054/2022, de 27 d'avientu, pol que s'establez y regula'l Sistema d'información d'esplotaciones agrícoles y ganaderes y de la producción agraria, amás Rexistru autonómicu d'explotaciones agrícoles y el Cuadernu dixital d'esplotación agrícola.
- Orde APA/204/2023, de 28 de febreru, pola que s'establez y regula'l conteníu mínimu del Rexistru autonómicu d'esplotaciones agrícoles y del Cuadernu dixital d'esplotación agrícola y la cronoloxía d'incorporación de fontes d'información nel Sistema d'información d'esplotaciones agrícoles, ganaderes y de la producción agraria.