SANDACH - Subproductos animales non destinaos a consumu humanu

Determinaos residuos d’orixe animal inclúyense nel grupu de los subproductos animales non destinaos a consumu humanu o SANDACH, y regúlense por normes específiques.

Son exemplos los cuerpos d’animales domésticos y de compañía muertos, los productos animales que se saquen de la preparación d’alimentos n’industries agroalimentaries, sales d’espiece, carniceríes y pescaderíes que nun tienen valor comercial, los alimentos caducaos que se retiren del consumu, el cuchu, les pieles crúes y salaes, la llana y les plumes ensin tratar, cuernos y pezuñes, trofeos de caza ensin montar, etc. y productos derivaos de los anteriores.

Esclúyense del consumu humanu, directamente porque lo prohíbe la normativa o bien porque l’operador decide destinalo a otros usos (por exemplu por falta de valor comercial). Esta decisión ye siempre irreversible.

Siempre qu’un productu animal nun pueda destinase al consumu humanu o se retire del mesmu, ha clasificase como subproductu, caltenese identificáu y separáu de los alimentos y nunca va poder volver al consumu humanu. Tolos operadores implicaos na xestión de los subproductos tán suxetos a obligaciones establecíes na llexislación.

En función de la categoría y naturaleza, los SANDACH o han de eliminarse, en ocasiones generando energía o bien pueden ser aprovechados para otros usos, como fines técnicos o alimentación animal, previa transformación o no.

Retirada y eliminación de cadabres d’animales de les esplotaciones ganaderes

Esi procesu tien que se facer nunes condiciones sanitaries determinaes y siempre por empreses xestores autorizaes pa recoyer y destruyir los animales muertos nes esplotaciones. N’Asturies, la empresa encargada ye PROYGRASA.

Guía de retirada d’animales muertos n’esplotación aprobada pola Comisión nacional de subproductos d’orixe animal non destinaos a consumu humanu (SANDACH)

NOVEDÁ 2024

El Gobiernu del Principáu d’Asturies incorporó nos Presupuestos Xenerales del 2024 una partida de 1 millón d’euros p’asumir parte del importe que paga’l ganaderu a PROYGRASA, lo que supón un descuentu del 35 % sobre les tarifes del añu 2024.

Esti descuentu vien aplicándose dende’l 1 de xineru del 2024 en tolos servicios de retirada abonaos directamente polos ganaderos a PROYGRASA y va siguir faciéndose asina hasta’l 31 d’avientu d’esti añu. Per otru llau, los ganaderos que renueven el so seguru de MER pal añu 2024 van empezar a beneficiase d’esta midida a partir del 1 de xunu hasta’l 30 de mayu del 2025 y a lo llargo de tola vixencia de la so póliza. D’alcuerdu colo anterior, AGROSEGURO va pagar a PROYGRASA la tarifa col descuentu aplicáu a toes eses pólices.

Ye un operador o esplotador de subproductos cualquier persona física o xurídica que tenga un subproductu baxo’l so control real, incluyíos los tresportistes, comerciantes y usuarios.

Son obligaciones de los operadores:

• Comunicar con vistes a la so inclusión en Rexistru cualquier actividá que realicen con subproductos.
• Solicitar autorización de l’actividá cuando lo precise
• Unviar tolos subproductos acompañaos d’un documentu comercial d’alcuerdu a la normativa, pa garantizar la trazabilidá
• Caltener rexistros de l’actividá y copies de los documentos comerciales de los dos últimos años, de tolos subproductos qu’unvien, tresporten o reciban.

El cumplimientu polos operadores compruébase de la que se faen los controles oficiales desenvueltos n’aplicación del Programa de control oficial d’establecimientos, plantes y operadores SANDACH nel Principáu d’Asturies.

Tolos subproductos únviense acompañaos d’un documentu comercial, numberáu y rellenáu correctamente y dafechu, sacante la parte que correspuende a la declaración de cada operador, que se completa en cada casu y los datos que se confirmen en destín (cantidá y fecha de recepción). La veracidá de los datos relativos a los subproductos que s’unvien, incluyida la categoría, ye responsabilidá del espedidor o establecimientu d’orixe.

Ha estendese por triplicao (orixinal y dos copies). L’orixinal ha acompañar al unviu y el destinatariu ha guardalu. Una de les copies va ser pal espedidor y la otra, pal tresportista. Han guardase per un periodu mínimu de 2 años.

El documentu comercial pa intercambeos intracomunitarios recuéyese n’anexu VIII del Reglamentu 142/2011. Dellos subproductos puen precisar certificáu sanitariu, una autorización previa d’unviu pola autoridá competente del Estáu miembru de destín y notificación del mesmu.

El documentu comercial pa movimientos nacionales tien de recoyer el conteníu mínimu del anexu II del Real decretu 1528/2012. Nesti anexu tamién s’indiquen les condiciones en casu de que s’espida en formatu electrónicu.

Por cuenta de la creación del Rexistru Nacional de Movimientos SANDACH, los operadores rexistraos o autorizaos d’alcuerdu col artículu 20 del Real Decretu 1528/2012, de 8 de payares y los establecimientos cárnicos suxetos a autorización d’alcuerdu col Reglamentu (CE) númberu 853/2004 del Parllamentu Européu y del Conseyu, de 29 d’abril del 2004, tienen d’incluyir los datos de tolos movimientos de material SANDACH qu’unvien nesti Rexistru y xenerar el documentu comercial nesa aplicación.

Pa los demás casos, ellaboróse un formatu únicu de documentu pa toles Comunidaes Autónomes.

Documentu comercial (pdf: 63 kb)

Toa persona qu’unvie, reciba o tresporte subproductos, ha llevar un rexistru actualizáu de los unvios. Ha contener la información mínima que s’esixe en capítulu IV del Anexu VIII del Reglamentu 142/2011.

Ha mirase por que los unvios de subproductos seyan identificables y se caltengan de forma separada. Esto va evitar tracamundios y esviadures, al dar una información inmediata a tolos operadores que participen na cadena d’eliminación y usu de subproductos.

De la que s’almacene y tresporte, ha afitase una etiqueta en vehículu, contenedor o envase (según proceda), de forma visible (marcada prominentemente) y indeleble, indicando la categoría y cola  lleenda y según el códigu de color correspondiente a la so categoría:

• “MATERIAL DE CATEGORÍA 1” “NAMÁS PA ELIMINACION”; color negro -
• “MATERIAL DE CATEGORÍA 2” “NON APTO PAL CONSUMU ANIMAL”; color mariello
• “MATERIAL DE CATEGORÍA 3” “NON APTO PAL CONSUMU HUMANU”; color verde.

L’anexu VIII del Reglamentu 1069/2009 contempla otres menciones específiques pa subproductos concretos, como’l cuchu y conteníu del tubu dixestivu: “CUCHU”

L’actividá de tresporte de SANDACH consiste na recoyida y treslláu directu de subproductos a una planta o establecimientos autorizáu, ensin almacenamientu, tresferencia o manipulación intermedia. Les actividaes vinculaes al tresporte qu’impliquen almacenamientu y/o manipulación, anque seya ensin descarga de la mercancía y les tresferencies de mercancía d’un vehículu a otru inclúyense nes actividaes d’almacenamientu (y precisaríen autorización).

El tresportista o operador que realiza l’actividá de tresporte de SANDACH, ye’l titular de los medios de tresporte (propietariu o que disponga d’otra forma de los mesmos, yá seya por arrendamientu, cesión o usufructu documentáu según la normativa vixente d’aplicación). Inclúyense los tresportistes que dean serviciu a terceros ensin asumir la propiedá de la mercancía (independientes) y aquellos que son amás comerciantes (porque asumen la propiedá de la mercancía). El tresportista inscríbese en Rexistru SANDACH pola autoridá competente de la Comunidá Autónoma onde tea’l so domiciliu social.

Los medios de tresporte que dexa’l Rexistru son: vehículu autopropulsáu, contenedor y remolque. Por eso s’establecieron estes definiciones (teniendo en cuenta la normativa de tresportes y les directrices de l’AECOSAN pa la situación asemeyada planteada nel RGAEAA):

• Vehículu autopropulsáu: “furgón y camión con cabecera y caxa/cisterna xuníos” (entenderíase que constituyen una unidá de tresporte fixa).
• Contenedor: contenedor/cisterna onde s’introduz la mercancía y que se tresporta enriba de “la cadarma del camión per carretera”. (entenderíase que son estructures homologaes, diseñaes a costafecha pal tresporte de mercancíes sobre vehículos portacontenedores con estructures de fixación afayadices).
• Remolque: vehículu non autopropulsáu destináu al tresporte de mercancíes diseñáu pa ser arrastráu o remolcáu (inclúyense semirremolques).

Na definición d’envase incluyiríense otros contenedores, caxes, bidones… que’l so usu respuenda a la necesidá d’apurrir la solidez, estanqueidá o facilitar el tresporte d’otra forma, que nun da’l vehículu, remolque o contenedor en por sí.

(Artículu 17 del Real decretu 1528/2011)

• El tresporte de productos derivaos que superaren el puntu final na cadena de fabricación establecíu d’alcuerdu col artículu 5 del Reglamentu (CE) numb. 1069/2009, del Parllamentu Européu y del Conseyu, de 21 d’ochobre.
• El tresporte de llana que cumpla les condiciones indicaes n’art. 23.2.b del Real decretu 1528/2012.
• Siempre que nun suponga un riesgu de propagación d’enfermedaes tresmisibles a los seres humanos o los animales: el tresporte de cuchu non tresformao y destinao al usu agrícola, ente puntos de la mesma esplotación ganadera o ente éstes y los agricultores usuarios d’ello dientro de la mesma comunidá autónoma, cuando se faiga como una actividá auxiliar nos medios de tresporte de les propies esplotaciones o de los agricultores. Esti tresporte tamién va tar quitu del requisitu d’acompañase de documentu comercial d’acompañamientu de subproductos y de los requisitos sanitarios que tienen que cumplir los medios de tresporte, pudiendo usar medios d’identificación diferentes.

Los titulares esclusivamente de:

• vehículos construyíos pal tresporte de persones,
• vehículos cola única función d’actuar como tractor o arrastre de remolques y semirremolques,
• camiones o remolques y semirremolques portacontenedores o
• otros contenedores, caxes, bidones, envases, embalaxes utilizaos p’apurrir la rixidez y hermeticidá necesaries en cada casu (namás s’incluyiríen los que dispunxeren de dalgún de los medios de tresporte definíos).

Según la normativa nueva, ye una actividá que namás precisa rexistru y non autorización como venía asocediendo. Polo tanto, la verificación de les condiciones de los medios de tresporte nun va facese primero del rexistru. La responsabilidá del cumplimientu de la normativa SANDACH correspuende en tou casu al operador, qu’ha adaptar los sos medios de tresporte a les condiciones qu’establez la llexislación.

Los operadores han recoyer, identificar y tresportar los subproductos animales ensin demorances indebíes y en condiciones qu’eviten l’apaición de riesgos. Tolos subproductos y derivaos tienen que se caltener identificaos y separaos a lo llargo de toles operaciones de recoyida y tresporte.

Recuéyense y trespórtense n’envases nuevos sellaos o vehículos o contenedores a prueba de fugues (estancos) dende’l puntu de partida de la cadena de fabricación. Esto quier dicir que, si’l vehículu o contenedor nun ye estancu, han metese en contendores o envases que sí lo seyan. El material non reutilizable (como bolses o otros embalaxes) ha eliminase por incineración o otru métodu autorizáu.

Los vehículos y contenedores reutilizables y tolos elementos reutilizables del equipu o preseos qu’entren en contactu colos subproductos, han caltenese llimpios, pa evitar la contaminación cruciao (la llimpieza estiéndese a tolos elementos qu’entren en contactu col subproductu, non solo al vehículu, remolque o contenedor). La llimpieza y desinfección de vehículos tien que se facer nes instalaciones de la planta o establecimientu onde se descarguen los subproductos o nel centru de llimpieza y desinfección autorizáu más averáu.

Los contenedores reutilizables han dedicase al tresporte d’un determináu subproductu, siempre que seya menester pa evitar la contaminación cruciao. Pa poder dedicalos al tresporte de distintos subproductos han cuntar con autorización espresa. Los vehículos, cisternes o tanques destinaos al tresporte d’alimentos líquidos, en polvu o granosos, son d’usu esclusivu alimentariu.

Toda información na ficha de serviciu

Tola información na ficha de serviciu

1. Xestión de cadabres d’animales en zones inaccesibles: enterrar animales muertos n’esplotación o praos ye una práctica prohibida y tolos cadabres tienen que s’eliminar unviándolos a una planta autorizada, como norma xeneral. Pero si se produz nuna “zona inaccesible” (bien porque l’accesu seya cuasimente imposible o namás seya posible en circunstancies que, por motivos xeográficos o climáticos o de resultes d’un desastre natural, diben suponer riesgos pa la salú y la seguranza del personal que lleva a cabu la recoyida, o nes que l’accesu diba implicar un usu desproporcionáu de medios de recoyida), va poder facese l’enterramientu in situ, d’alcuerdu cola Guía de bones práctiques d’enterramientu (GBPE) que s’apurre.
   • Guía de bones práctiques d'enterramientu (GBPE) (pdf, 175 Kb)
   • Esti enterramientu ha facese nun sitiu onde s’evite’l riesgu pa la salú pública y animal y el mediu ambiente y d’una forma que garantice que:
     • los animales carnívoros o omnívoros nun puedan acceder a ellos;
     • nun se pon en peligru la salú humana y s’usen procedimientos o métodos que nun dañen el mediu ambiente, en concreto con riesgos pal agua, l’aire, el suelu, les plantes y los animales, o pol ruíu o los golores.
2. Usu de subproductos p’alimentación de fauna montés: precisa autorización d’alcuerdu col Real decretu 1632/2011, de 14 de payares, pol que se regula l’alimentación de determinaes especies de fauna montés con subproductos animales non destinaos a consumu humanu. Ver la información sobre Alimentación de necrófagues n'Asturias.es/Temas/Ganadería, caza y pesca/ Pastos para la alimentación de necrófagas
3. Otres escepciones: Ha solicitase autorización siempre qu’asina lo indique la normativa (por exemplu pa usos especiales n’alimentación animal como son los animales de zoo o nes perreres).

• Real Decretu 1528/2012, de 8 de payares, pol que s’establecen les normes aplicables a los subproductos animales y los productos derivaos non destinaos a consumu humanu (BOE númberu 277, 17/11/2012).
• Real Decretu 894/2013, de 15 de payares, pol que se modifica’l Real decretu 1528/2012, de 8 de payares, pol que s’establecen les normes aplicables a los subproductos animales y los productos derivaos non destinaos a consumu humanu. (BOE númberu 281, 23/11/2013).
• Reglamentu (CE) númberu 1069/2009, del Parllamentu Européu y del Conseyu de 21 d’ochobre del 2009 pol que s’establecen les normes sanitaries aplicables a los subproductos animales y los productos derivaos non destinaos al consumu humanu y pol que se deroga’l Reglamentu (CE) númberu 1774/2002 (DOUE L 300, 14/11/2009).
• Reglamentu (UE) númberu 142/2011 de la Comisión de 25 de febreru del 2011 pol que s’establecen les disposiciones d’aplicación del anterior (DOUE L 54, 26/02/2011).
• Reglamentu (UE) númberu 749/2011 de la Comisión, de 29 de xunetu del 2011, que modifica’l Reglamentu (UE) númberu 142/2011, pol que s’establecen les disposiciones d’aplicación del Reglamentu (CE) númberu 1069/2009 del Parllamentu Européu y del Conseyu pol que s’establecen les normes sanitaries aplicables a los subproductos animales y los productos derivaos non destinaos al consumu humanu, y la Directiva 97/78/CE del Conseyu en cuantes a determinaes muestres y unidaes quites de los controles veterinarios na frontera en virtú de la mesma (DOUE L 198, 30/07/2011).
• Reglamentu (UE) númberu 1063/2012 de la Comisión, de 13 de payares del 2012, que modifica’l Reglamentu (UE) 142/2011, pol que s’establecen les disposiciones d’aplicación del Reglamentu (CE) númberu 1069/2009 del Parllamentu Européu y del Conseyu pol que s’establecen les normes sanitaries aplicables a los subproductos animales y los productos derivados non destinaos al consumu humanu, y la Directiva 97/78/ce del Conseyu en cuantes a determinaes muestres y unidaes quites de los controles veterinarios na frontera en virtú de la mesma (DOUE L 314, 14/11/2012).
• Reglamentu d'execución (UE) númberu 1097/2012 de la Comisión, de 23 de payares del 2012, que modifica’l Reglamentu (UE) númberu 142/2011, pol que s’establecen les disposiciones d’aplicación del Reglamentu (CE) númberu 1069/2009 del Parllamentu Européu y del Conseyu, pol que s’establecen les normes sanitaries aplicables a los subproductos animales y los productos derivaos non destinaos al consumu humanu, y la Directiva 97/78/ce del Conseyu en cuantes a determinaes muestres y unidaes quites de los controles veterinarios na frontera en virtú de la mesma, no que se refier al unviu de subproductos animales y productos derivados entre estaos miembros (DOUE L 326, 24/11/2012).
• Reglamentu (UE) númberu 294/2013 de la Comisión, de 14 de marzu del 2013, que modifica’l Reglamentu (UE) númberu 142/2011, pol que s’establecen les disposiciones d’aplicación del Reglamentu (CE) númberu 1069/2009 del Parllamentu Européu y del Conseyu, pol que s’establecen les normes sanitaries aplicables a los subproductos animales y los productos derivaos non destinaos al consumu humanu, y la Directiva 97/78/ce del Conseyu en cuantes a determinaes muestres y unidaes quites de los controles veterinarios na frontera en virtú de la mesma (DOUE L 98, 06/04/2013).
• Reglamentu (UE) númberu 555/2013 de la Comisión, de 14 de xunu del 2013, pol que se modifica’l Reglamentu (UE) númberu 142/2011 relativu al tránsitu de determinaos subproductos animales procedentes de Bosnia y Herzegovina.
• Reglamentu (UE) númberu 717/2013 e la Comisión, de 25 de xunetu del 2013, que modifica’l Reglamentu (UE) númberu 142/2011 en cuantes a les entraes relatives al bienestar animal en determinaos modelos de certificaos sanitarios. (DOUE L 201, 26/07/2013).

• Accesu a la web del Ministeriu de Agricultura, Pesca y Alimentación con información rellacionada
• Accesu a la web de la Comisión europea sobre Animal by-products