Programa de autorización administrativa de permuta de fincas rústicas
El Principáu d’Asturies, al traviés de la Comisión Rexonal del Bancu de Tierres, aprobó un programa d’autorización de permutes voluntaries de finques rústiques destinaes a ameyorar les condiciones físiques de la base territorial de les esplotaciones agraries.
Finalidaes de la permuta
- Eliminación de parceles enclavaes.
- Supresión de servidumes.
- Meyora de la estructuración de les esplotaciones agraries, ente les que se van incluyir toles permutes que s’orixinen pa facer una concentración de les esplotaciones, amás d’un aumentu de la superficie de les finques de la esplotación como resultáu de l’agrupación o agregación de la finca permutada.
Beneficiarios
- A lo menos ún de los permutantes tien que ser titular d’esplotación agraria, poseyer la condición d’agricultor profesional y tar al corriente de les sos obligaciones fiscales y cola Seguridá Social.
- Los permutantes han poseyer la titularidá de les finques a permutar. Escepcionalmente, va poder autorizase cuando’l solicitante agricultor tenga un derechu d’usu sobre dalguna de les finques oxetu de la permuta y cunte col consentimientu espresu y compromisu del propietariu d’esta.
Ventaxes
- Exenciones fiscales (les permutes autorizaes pola Alministración del Principáu d’Asturies van gociar de les exenciones fiscales previstes nel artículu 12 de la Llei 19/1995, de 4 de xunetu, de modernización de les esplotaciones agraries, pa les esplotaciones que llogren la calificación de prioritaries, y nel testu refundíu del impuestu sobre tresmisiones patrimoniales y actos xurídicos documentaos).
- Gastos (los correspondientes al otorgamientu de les escritures y inscripciones rexistrales van ser al cargu de l’Alministración).
- Informe de validación gráfica (IVG) (el Bancu de Tierres va facelu en tolos casos y de forma gratuita).
Normativa d´aplicación
Decretu 80/97, de 18 d´avientu, pol que s’establez el procedimientu de la concentración parcelaria de calter priváu (BOPA 9 de xineru del 1998).