Declaración d’accesibilidá
El Principáu d’Asturies comprometióse a facer accesible el so sitiu web, d’alcuerdu col Real Decretu 1112/2018, de 7 de setiembre, sobre accesibilidá de los sitios web y aplicaciones pa dispositivos móviles del sector públicu.
Esta declaración d’accesibilidá aplícase a Principáu d´Asturies (asturias.es)
Situación de cumplimientu
Esti sitiu web ye conforme parcialmente col Real Decretu 1112/2018 pola mor de la falta de conformidá de los aspectos que s’indiquen de siguío.
Conteníu non accesible
El conteníu que se recueye de siguío nun ye accesible por estos motivos:
Falta de conformidá col RD 1112/2018
- Existen conteníos non testuales que nun tienen una alternativa testual, o que tienen una alternativa que nun ye afayadiza [requisitu númberu 9.1.1.1 Conteníu non testual d’UNE-EN 301549:2022].
- Existen conteníos multimedia pregrabaos que nun tienen subtítulos, o que los sos subtítulos nun son afayadizos pa tresmitir la información sonora relevante [requisitu númberu 9.1.2.2 Subtítulos (grabaos) d’UNE-EN 301549:2022].
- Existen errores nel usu d’un etiquetáu semánticu que reflexe la información y les rellaciones del conteníu, amás d’errores rellacionaos col nome, función y valor de los componentes en WAI-ARIA [requisitos númberu 9.1.3.1 y 9.4.1.2 d’UNE-EN 301549:2022].
- Existen errores rellacionaos cola estructura y presentación del conteníu, de manera que la información y les rellaciones ente los elementos non siempre pueden determinase por software, l’orde de llectura o presentación non siempre ye afayadizu, o úsense característiques sensoriales como única referencia pa identificar o describir elementos [requisitos númberu 9.1.3.2 y 9.1.3.3 d’UNE-EN 301549:2022].
- Existen errores rellacionaos cola adaptación del conteníu a tamaños estremaos de pantalla o niveles d’ampliación, de manera que parte de la información o funcionalidá precisa desplazamientu en dos dimensiones o nun se presenta de manera afayadiza al aumentar el tamañu del conteníu [requisitu númberu 9.1.4.10 Reflow d’UNE-EN 301549:2022].
- Existen elementos interactivos que nun pueden usase con tecláu, o existen situaciones nes que’l focu del tecláu queda atrapáu ensin que la persona usuaria pueda desplazase fuera del componente [requisitos númberu 9.2.1.1 y 9.2.1.2 d’UNE-EN 301549:2022].
- Existen conteníos que se mueven, parpaguien o actualícense automáticamente y que nun proporcionen mecanismos afayadizos pa pausalos, detenelos o escondelos cuando ye menester [requisitu númberu 9.2.2.2 Pausar, detener, esconder d’UNE-EN 301549:2022].
- Existen errores rellacionaos col títulu de la páxina nes sos versiones [requisitu númberu 9.2.4.2 d’UNE-EN 301549:2022].
- Existen errores rellacionaos col propósitu de los enllaces y cola utilización d’encabezaos o etiquetes poco descriptivos [requisitos númberu 9.2.4.4 y 9.2.4.6 d’UNE-EN 301549:2022].
- Existen elementos interactivos nos que l’indicador del focu del tecláu nun ye visible o nun s’identifica de manera afayadiza [requisitu númberu 9.2.4.7 Focu visible d’UNE-EN 301549:2022].
- Existen controles y elementos interactivos nos que’l so nome accesible nun contién el testu que se presenta visualmente como etiqueta, lo que pue dificultar la so identificación y usu con tecnoloxíes d’apoyu o control por voz [requisitu númberu 9.2.5.3 Etiqueta nel nome d’UNE-EN 301549:2022].
- Existen errores rellacionaos col idioma de les páxines y de les partes del conteníu, de manera que l’idioma principal de la páxina o los cambeos d’idioma dientro del conteníu non siempre tean correctamente identificaos con programación [requisitos númberu 9.3.1.1 y 9.3.1.2 d’UNE-EN 301549:2022].
- Existen errores rellacionaos col comportamientu predicible de les páxines y los sos componentes, de manera que determinaos cambeos de contestu prodúcense de forma inesperada, o la navegación y la identificación de los componentes nun se caltienen de forma consistente ente les páxines o secciones [requisitos númberu 9.3.2.2, 9.3.2.3 y 9.3.2.4 d’UNE-EN 301549:2022].
- Existen formularios onde los errores nun s’identifiquen de manera afayadiza o onde nun se proporcionen etiquetes o instrucciones de forma afayadiza tocante al manexu de los datos personales [requisitos númberu 9.3.3.1 y 9.3.3.2 d’UNE-EN 301549:2022].
- Existen errores rellacionaos cola identificación y corrección d’errores nos formularios, de manera que non siempre se proporcionen suxerencies afayadices pa correxir los errores detectaos [requisitu númberu 9.3.3.3 d’UNE-EN 301549:2022].
- Existen mensaxes d’estáu que nun s’anuncien a les persones usuaries de productos d’apoyu [requisitu númberu 9.4.1.3 Mensaxes d’estáu d’UNE-EN 301549:2022].
- Existen errores rellacionaos colos requisitos de documentación y servicios de soporte [requisitu númberu 12.1.2 d’UNE-EN 301549:2022].
Carga desproporcionada
Nun aplica.
El conteníu nun entra dientro del ámbitu de la llexislación aplicable
El sitiu web pue contener archivos ofimáticos publicaos primero del 20 de setiembre del 2018 que nun s’usen pa xeres alministratives actives, que nun cumplan dafechu con tolos requisitos d’accesibilidá.
Preparación d’esta declaración d’accesibilidá
Esta declaración preparóse’l 6 d’ochobre del 2026.
El métodu usáu pa preparar la declaración foi una evaluación esperta a fondu llevada a cabu por un equipu auditor esternu.
Última revisión de la declaración: 15 d’ochobre del 2026.
Observaciones y datos de contactu
Comunicaciones sobre requisitos d’accesibilidá
Pue facer comunicaciones sobre requisitos d’accesibilidá (artículu 10.2.a) del Real Decretu 1112/2018 como, por exemplu:
- Informar sobre cualquier posible incumplimientu por parte d’esti sitiu web.
- Tresmitir otres dificultaes d’accesu al conteníu.
Formular cualquier otra consulta o suxerencia de meyora relativa a l’accesibilidá del sitiu web.
Al traviés del email accesibilidad.web.PAAD@asturias.org designáu pa esos efectos na sede electrónica de l’Alministración del Principáu d’Asturies.
Solicitúes d’información accesible y quexes
Les persones interesaes pueden presentar una solicitú d’información accesible o una quexa en materia d’accesibilidá nes señes de corréu electrónicu accesibilidad.web.PAAD@asturias.org
Les solicitúes d’información accesible van poder referise a:
- Conteníos o funcionalidaes del sitiu web que nun seyan accesibles.
- Conteníos que quedaren escluyíos del ámbitu d’aplicación del Real Decretu 1112/2018.
- Cualquier otra cuestión rellacionada cola accesiblidá del sitiu web.
Les quexes van poder presentase cuando se considere que los requisitos d’accesibilidá establecíos nel Real Decretu 1112/2018 nun se tán cumpliendo.
La solicitú o quexa va tener qu’incluyir, na midida de lo posible, una descripción clara del conteníu, serviciu o funcionalidá al que se refier y, cuando correspuenda, los motivos de la solicitú o quexa, cola mira de facilitar la so tramitación.
Procedimientu d’aplicación
Si una solicitú d’información accesible o una quexa nun s’atendiere de manera afayadiza, o la persona interesada nun ta d’alcuerdu cola respuesta recibida, va poder abrir el procedimientu de reclamación previstu n’artículu 13 del Real Decretu 1112/2018, de 7 de setiembre.
La reclamación va poder presentase énte l’órganu correspondiente, d’alcuerdu col procedimientu establecíu nel Real Decretu 1112/2018.
Desque se faiga una solicitú d’información accesible o quexa, ésta fore desestimada, nun se tuviere d’alcuerdu col determín adoptáu, o la respuesta nun cumpliere los requisitos contemplaos n’artículu 12.5 del RD 1112/2018, la persona interesada va poder facer una reclamación. Igualmente va poder facese una reclamación nel casu de que pasaren venti díes hábiles ensin tener respuesta.
La reclamación pue presentase al traviés del email accesibilidad.web.PAAD@asturias.org designáu pa esi efectu na sede electrónica de l’Alministración del Principáu d’Asturies.
Conteníu opcional
L’accesibilidá del portal túvose presente de forma integral nel procesu de diseñu, xestión, caltenimientu y actualización de conteníos.
Esti sitiu web aplica los requisitos de la Norma UNE-EN 301549:2022, considerando les escepciones del RD 1112/2018.
La última revisión d’accesibilidá realizóse’l 12 de xunu del 2025
Compatibilidá
El sitiu web:
- diseñóse siguiendo los estándares y normatives vixentes tocante a l’accesibilidá, cumpliendo colos puntos de verificación de prioridá 2 (AA) definíos na especificación de Pautes d’Accesibilidá al Conteníu na Web (WCAG 2.1)
- ta optimizáu pa les versiones vixentes de Chrome, Edge, Firefox, Safari y Opera
- ta diseñáu pa la so visualización correcta en cualquier resolución y dispositivu d’escritoriu, tabletes o móviles (diseñu responsive)
- realizóse usando HTML5 como llinguaxe de marcáu y fueyes d’estilu CSS 3 pal so diseñu
Amás, realízase un trabayu continuu d’auditoría y revisión de conteníos pa facilitar la so interpretación y ameyorar la navegación pel portal web
- Compatibilidá y personalización
- Compatibilidá
Esti sitiu web ta optimizáu pa la so visualización nos principales navegadores web: Chrome, Firefox, Safari o Edge.
Programóse siguiendo los estándares internacionales HTML 5, CSS y WAI-ARIA.
- Visualización responsive
Esti sitiu web ta diseñáu tamién p’adaptar la so visualización de forma óptima nos más de los navegadores de dispositivos móviles: Chrome, Firefox, Safari, Edge y el navegador nativu d’Android.
- Aumentar y menguar el tamañu de testu
Si quier aumentar el tamañu de testu, tien la posibilidá de facer zoom na páxina con estos atayos de tecláu:
- tecla “Control” (o “Comandu” en Mac) + tecla “+” p´aumentar
- tecla “Control” (o “Comandu” en Mac) + tecla “-” pa menguar
- tecla “Control” (o “Comandu” en Mac) + tecla “0” pa volver al tamañu orixinal
Nesta tabla indícase cómo aumentar o menguar el zoom de la páxina nel menú de los navegadores más usaos:
Navegador Acción Chrome, Edge opción “Zoom” Firefox opción “Tamañu” Safari Visualización > Aumentar o Menguar Cómo aumentar y menguar el zoom de la páxina nos navegadores (versiones más actuales)
- Desactivar el diseñu visual
Si’l diseñu o estructura de dalguna páxina dificulta la navegación, pue desactivar el diseñu visual de les páxines pa entrar nel conteníu d’una manera más cenciella y estructurada.
Nesta tabla indícase cómo desactivar el diseñu visual nos navegadores más usaos que dexen esta funcionalidá:
Navegador Acción de menú Firefox Ver > Estilu de la páxina > Ensin estilu Safari Edición > Preferencies > Avanzáu (activar opción mostrar el menú desenvolvimientu y zarrar ventana) > Desenvolvimientu (del menú principal) > Desactivar estilos Cómo desactivar el diseñu visual en los navegadores (versiones más actuales)
- Conteníos en Llectura fácil
La Llectura fácil ta basada nos principios de democracia llectora y integración social al traviés de la llectura. Quier averar la llectura a persones con dificultaes llectores o de comprensión (un 30 % de la población). La Llectura fácil dexa a estos colectivos l’accesu a la cultura, la llectura y la información como derechu ciudadanu.
- Cómo cambiar de colores
Una de las medidas que llevamos a cabo es asegurar que el contraste entre el fondo y el texto e imágenes sea siempre suficiente para garantizar su correcta percepción. Aun así, si lo deseas, puedes cambiar también la configuración de los colores definidos en tu navegador.
Nesta tabla mostramos cómo modificar los colores de les páxines nos navegadores más usaos que dexen esta funcionalidá:
Navegador Acción de menú Firefox Ferramientes > Opciones > Conteníu > Tipos y colores > Colores Internet Explorer Ferramientes > Opciones de Internet > Apariencia > Accesibilidá Opera Menú > Páxina > Estilu > Usuariu o contraste altu Cómo desactivar el diseñu visual nos navegadores (versiones más actuales)
- Conteníos n´otros formatos
En dellos casos pue ser que les páxines se complementen con conteníos presentaos n’otros formatos (documentos, vídeos, animaciones, etc.).
- Compatibilidá