Tricomonosis bovina

Ye una enfermedá venérea, de calter agudu o sub-agudu, qu’afecta sobre manera a los bovinos, anque tamién pue afectar dacuando a otres especies, como equinos o suidos.

Tocante a los síntomes y daños, el signu más característicu de la enfermedá na fema ye l’albuertu, con espulsión d’un fetu momificáu o con mancadures al términu de la xestación, a pesar de que la muerte del fetu produzse ente’l primer y segundu terciu (8-16 selmanes). Provoca daños nos órganos xenitales de machos y femes.

Tresmítese sobre manera pola cópula o monta natural, anque tamién al traviés del material d’inseminación artificial con semen contamináu. Los toros adultos (de más de 3-4 años) son los portadores principales del microorganismu, mentes que nos animales nuevos Tricomonas tiende a desapaecer de manera natural.

Diagnósticu

Pa detectar la presencia de Tricomonas nel fatáu realízase una toma de muestres del esmegma prepucial. Depués del cultivu confírmase la identidá por PCR.

Prevención y control

  • La realización de pruebes a los machos que s’adquieren (y insistimos tamién na necesidá de faceles a tolos machos que xuban a les camperes comunales).
  • Nel casu de diagnosticase la enfermedá en machos, encamiéntase que nun s’usen como reproductores.
  • Utilización de semen conxeláu certificáu debidamente.

Más información