Xestor documental del Rexistru de planiamientu y xestión urbanística
El Rexistru de planiamientu y xestión urbanística creóse cola mira de recoyer «un exemplar completu y actualizáu de los instrumentos d’ordenación del territoriu, planes y otros instrumentos d’ordenación y xestión urbanísticos».
Creóse pola Llei 3/2002, de Suelu del Principáu d’Asturies. La so regulación contiénse nos artículos 41 a 56 del Reglamentu d’Ordenación del Territoriu y Urbanismu (ROTU).
Finalidá
Facilitar l’exerciciu pola ciudadanía del so drechu a la información pública en materia d’urbanismu, fomentar la so participación y incrementar la tresparencia nos procesos de toma de decisiones al traviés del emplegu de les tecnoloxíes nueves de la información.
¿Pa quién ye?
Esta ferramienta ta destinada a:
- usuarios y proveedores de tolos niveles de l'Alministración,
- sector comercial,
- organizaciones ensin ánimu d'arriquecimientu,
- sector académicu y
- ciudadanía en xeneral.
¿Qué información s'algama?
Al traviés de la consulta del Rexistru de planiamientu y xestión urbanística accédese a los datos de los instrumentos urbanísticos. Pue algamase la documentación del planiamientu xeneral vixente y parte de documentación del planiamientu de desenvolvimientu.
Visor urbanísticu rexonal
Accesu al visor urbanísticu rexonal
Dibuxa l’ámbitu de los instrumentos d’ordenación del territoriu y planiamientu.
Muestra les entidaes urbanístiques básiques de tol planiamientu xeneral vixente y permite l’accesu a la clasificación y a la calificación del suelu.
Amás, dende esi visor accédese a los datos y documentos de los instrumentos urbanísticos anotaos nel rexistru urbanísticu.
(Encamiéntase utilizar los navegadores web Google Chrome o Mozilla Firefox pa utilizar el visor).