Normativa aplicable a determinadas unidades

Les distintes unidaes nes que participa’l Principáu d’Asturies, tales como entes y entidaes públiques, sociedaes mercantiles, consorcios y fundaciones, dependiendo de cuál seya’l grau de la mentada participación nes mesmes, tán suxetes a les distintes normes autonómiques dictaes pa regular les rellaciones económico-financieres d’aquelles col Principáu d’Asturies, asina como en materia de remisión d’información periódica a la Conseyería competente en materia económica y presupuestaria.

En concreto’l Decretu Llexislativu 2/1998, de 25 de xunu, pol que s’aprueba’l Testu Refundíu del Réxime Económicu y Presupuestariu del Principáu d’Asturies, recueye, ente otros aspeutos el réxime presupuestariu y d’adeudamientu d’aquelles unidaes que pertenecen al sector públicu autonómicu. Per otra parte’l Decretu 13/2007, de 14 de febreru, establez la documentación que determinaes sociedaes mercantiles, entidaes y entes públicos, fundaciones y consorcios han remitir periódicamente a la Conseyería competente en materia económica y presupuestaria, con distintes esixencies en función del tipu d’unidá de que se trate y de la presencia pública na mesma.