El Conseyu
- Árees funcionales
- La Presidencia
- El Plenu
- Composición actual
- La Oficina de Bon Gobiernu y Llucha contra la Corrupción
El Conseyu de Tresparencia y Bon Gobiernu del Principáu d’Asturies exerce les sos funciones al traviés de la Presidencia, el Plenu y la Oficina de Bon Gobiernu y Llucha contra la Corrupción.
La so actividá articúlase en trés grandes árees: tresparencia y derechu d’accesu a la información pública; bon gobiernu y grupos d’interés; y integridá, prevención y llucha contra la corrupción.
El Conseyu de Tresparencia y Bon Gobiernu del Principáu d’Asturies exerce les funciones al traviés d la Presidencia, el Plenu y la Oficina de Bon Gobiernu y Llucha contra la Corrupción.
Su actividad se articula en tres grandes áreas: transparencia y derecho de acceso a la información pública; bon gobiernu y grupos de interés; e integridad, prevención y lucha contra la corrupción»
El Conseyu de Tresparencia y Bon Gobiernu del Principáu d’Asturies exerce les funciones que-y atribuye la Llei 8/2018, de 14 de setiembre, al traviés de trés órganos: la Presidencia, el Plenu y la Oficina de Bon Gobiernu y Llucha contra la Corrupción.
La so organización combina esta estructura institucional con trés árees funcionales que faen posible ordenar les xeres de garantía, supervisión, prevención y xestión necesaries pal cumplimientu de los sos fines.
Árees funcionales
L’actividá del Conseyu articúlase nestes árees:
1. Asuntos xenerales, documentación y rexistros
Abarca les funciones de xestión y sofitu necesaries pal funcionamientu ordinariu del Conseyu, ente elles les relatives a personal, xestión económica y presupuestaria, contratación, medios materiales, documentación, archivu y rexistros.
2. Tresparencia, Accesu a la Información Pública y Protección de Datos
Abarca les funciones rellacionaes cola tresparencia de l’actividá pública, el cumplimientu de les obligaciones de publicidá activa y la garantía del derechu d’accesu a la información pública, amás de les obligaciones y funciones internes que correspuenden al Conseyu en materia de protección de datos.
Nesti ámbitu intégrense, ente otres actuaciones, les funciones relatives al sistema de reclamaciones en materia d’accesu a la información pública, l’adopción de criterios d’interpretación y l’atención de consultes formulaes polos órganos encargaos de tramitar y resolver les solicitúes d’accesu. Anguaño, la xestión, resolución y notificación de les reclamaciones faila’l Conseyu de Tresparencia y Bon Gobiernu estatal en virtú del conveniu vixente, ensin perxuiciu de les funciones d’orientación y sofitu qu’empresta’l Conseyu del Principáu d’Asturies.
3. Bon Gobiernu, Integridá Pública, Llucha contra la Corrupción y Conflictu d’Intereses
Abarca les funciones rellacionaes col bon gobiernu, la integridá pública, la prevención y llucha contra’l fraude y la corrupción, los conflictos d’intereses, les incompatibilidaes y les materies restantes atribuyíes llegalmente al Conseyu y a la Oficina de Bon Gobiernu y Llucha contra la Corrupción.
Nesti ámbitu inclúyense tamién les actuaciones de prevención y investigación previstes pola Llei y la xestión de la Canal Esterna de Llucha contra la Corrupción.
La Presidencia
La persona titular escuéyela’l Plenu de la Xunta Xeneral del Principáu d’Asturies por mayoría de dos tercios, depués de comparecer énte la Comisión competente, ente persones de prestixu reconocíu y atendiendo a criterios de competencia profesional y esperiencia. El mandatu tien una duración de cinco años y pue anovase namás una vez. La elección comunícase al Conseyu de Gobiernu pal so nomamientu con un decretu.
El presidente del Conseyu de Tresparencia y Bon Gobiernu del Principáu d’Asturies ye José Manuel Pérez Fernández, nomáu por Decretu 24/2026, de 13 d’abril (BOPA núm. 72, de 16 d’abril del 2026), y que tomó posesión del cargu’l 17 d’abril del 2026.
Correspuende a la Presidencia, ente otres funciones, adoptar criterios d’interpretación uniforme de la Llei, velar pol cumplimientu de les obligaciones de publicidá activa, conocer de les reclamaciones en materia d’accesu a la información pública, efectuar los requerimientos previstos llegalmente y responder les consultes que se formulen nesta materia. Exerce amás la xefatura del personal y les competencies de xestión alministrativa, presupuestaria y contractual atribuyíes pola Llei. Les funciones que nun tean atribuyíes espresamente a otru órganu correspuenden igualmente a la Presidencia.
El Plenu
El Plenu ye l’órganu colexáu del Conseyu. Ta presidíu pola persona titular de la Presidencia y nél participen representantes designaos pol Conseyu Consultivu del Principáu d’Asturies, la Xunta Xeneral del Principáu d’Asturies, la Federación Asturiana de Conceyos, la Universidá d’Uviéu y la Sindicatura de Cuentes.
Composición actual
Presidente
- José Manuel Pérez Fernández.
Conseyu Consultivu del Principáu d’Asturies
- Elena Díaz García.
Xunta Xeneral del Principáu d’Asturies
- Ana Isabel Cárcaba García, a propuesta del Grupo Parlamentario Socialista.
- Manuel J. García Rodríguez, a propuesta del Grupo Parlamentario Popular.
- Salustiano García Fernández, a propuesta del Grupo Parlamentario Vox.
- Joaquín Meseguer Yebra, a propuesta del Grupo Parlamentario Convocatoria por Asturies IU-Más País-IAS.
- Alejandra Boto Álvarez, a propuesta del Grupo Parlamentario Mixto.
Federación Asturiana de Conceyos
- Ana Isabel Fernández García.
- Iván Fernández García.
Universidá d’Uviéu
- Marta Friera Álvarez.
Sindicatura de Cuentes del Principáu d’Asturies
- Eduardo Rodríguez Enríquez.
La Secretaría del Plenu correspuende a una persona funcionaria adscrita al Conseyu, perteneciente al Grupu A1 y con llicenciatura o grau en Derechu, que participa nes sesiones con voz y ensin votu.
Correspuende al Plenu, ente otres funciones, aprobar los Planes de Prevención de la Corrupción; adoptar recomendaciones; asesorar nes materies regulaes pola Llei 8/2018; informar los Planes Estratéxicos de Tresparencia y los proyectos normativos rellacionaos col so oxetu; evaluar el grau d’aplicación de la Llei; ellaborar estudios de bones práctiques; aprobar la memoria anual del Conseyu; y tomar los determinos que-y correspuenden llegalmente en materia presupuestaria y d’organización del personal.
La Oficina de Bon Gobiernu y Llucha contra la Corrupción
La Oficina de Bon Gobiernu y Llucha contra la Corrupción ye un órganu del Conseyu especializáu nes materies de bon gobiernu, integridá pública, prevención y llucha contra la corrupción y conflictos d’intereses.
La Oficina tien nivel orgánicu de Serviciu y desenvuelve les sos funciones integrada na estructura del Conseyu, baxo la dirección de la so Presidencia.
Anguaño, les funciones correspondientes a la Xefatura de la Oficina exérceles Elisa García Rodríguez, en réxime d’atribución temporal de funciones..
Ente les sos competencies atópense ellaborar la propuesta del Plan de Prevención de la Corrupción y velar pola so execución correcta; llevar los rexistros previstos llegalmente al respective de los cargos altos; xestionar les funciones que-y correspuenden en materia d’incompatibilidaes y conflictos d’intereses; ellaborar la propuesta de Códigu de conducta; instruyir los procedimientos sancionadores previstos pola Llei; y promover actividaes formatives nestes materies.
La Oficina pue amás desenvolver actuaciones empobinaes a prevenir y lluchar contra’l fraude, la corrupción y otres actividaes illegales que perxudiquen los intereses de l’Alministración del Principáu d’Asturies y del so sector públicu, amás d’investigar sobre fechos potencialmente constitutivos d’incumplimientos que puedan dar pie a responsabilidaes.
La xestión de la Canal Esterna de Llucha contra la Corrupción correspuende igualmente a la Oficina, como preséu previstu específicamente pola Llei 8/2018 pa la recepción d’informaciones rellacionaes cola corrupción y la integridá pública.