Programa del Fondu de Transición Xusta d'España 2021-2027

Fondos estructurales y d'inversión europeos

El Fondu de Transición Xusta ye un tipu nuevu de fondu européu previstu pela primer vez nel Marcu Comunitariu nuevu 2021-2027, cola cuenta d’apoyar a la población, la economía y el mediu ambiente de los territorios qu’encaren retos socioeconómicos graves derivaos del procesu de transición. El Fondu de Transición Xusta va facilitar l’aplicación del Pactu Verde Européu, que’l so oxetivu ye llograr una Unión climáticamente neutra d’equí al 2050.

Oxetivu únicu específicu del Fondu de Transición Xusta: facer posible que les rexones y les persones encaren les repercusiones sociales, llaborales, económiques y medioambientales de la transición escontra los oxetivos de la Unión pal 2030 en materia d’enerxía y clima y una economía de la Unión climáticamente neutra d’equí al 2050, con arreglu al Alcuerdu de París.

Normativa reguladora

El 21 d'avientu de 2022 la Comisión Europea aprobó'l Programa de Transición Xusta d'España 2021-2027 (pdf: 44 Kb), qu’incluye’l Plan Territorial de Transición Xusta, dotáu con 868,74 millones d’euros, correspondiéndo-y al Principáu d'Asturies, como territoriu especialmente afectáu pol zarru de mines y centrales térmiques de carbón, un presupuestu de 262,85 millones d'euros.

Nel Programa y nel Plan, pa los fondos asignaos a Asturies, estructúrense estes seis prioridaes:

  • AST 1: Tresformación ecolóxica de la industria, la movilidá sostenible, la economía circular y la eficiencia enerxética.
  • AST 2: Impulsu a la cadena de valor de les enerxíes anovables, l’autoconsumu, l’almacenamientu enerxéticu y l’hidróxenu anovable.
  • AST 3: Impulsu a pymes y proyectos empresariales tractores pa la diversificación económica de los territorios.
  • AST 4: Fomentu de la investigación, desenvolvimientu y innovación (I + D + I), integración del TIC y tresformación dixital nes empreses.
  • AST 5: Rehabilitación ambiental, caltenimientu de la naturaleza, promoción del patrimoniu históricu y cultural rellacionáu cola minería y la industria y fomentu del turismu sostenible.
  • AST 6: Impulsu a infraestructures sociales, a la economía social y a iniciatives de formación y cualificación.

Resolución de 15 d'avientu de 2022, de la Dirección Xeneral de Calidá y Evaluación Ambiental, pola que se formula declaración ambiental estratéxica del «Programa del Fondu de Transición Xusta d’España 2021-2027.

PROGRAMA DEL FONDU DE TRANSICIÓN XUSTA 2021-2027 DECISIÓN D'APROBACIÓN DE 20/12/2022

Por aciu Decisión C(2022)9919 final, de 20 d'avientu de 2022, la Comisión Europea aprobó'l Programa de Transición Xusta d'España 2021-2027, qu'inclúi'l Plan Territorial de Transición Xusta, dotáu con 868,74 millones d'euros, correspondiéndo-y al Principáu d'Asturies, como territoriu especialmente afectáu pol zarru de mines y centrales térmiques de carbón, un presupuestu de 262,85 millones d'euros.

El 21 d'avientu de 2022 la Comisión Europea aprobó'l Programa de Transición Xusta d'Espaa, quincluyel Plan Territorial de Transición Xusta, dotáu con 868,74 millones deuros, correspondiéndo-y al Principáu d'Asturies, como territoriu especialmente afectáu pol zarru de mines y centrales térmiques de carbón, un presupuestu de 262,85 millones d'euros.

Nel Programa y nel Plan, pa los fondos asignaos a Asturies, estructúrense estes seis prioridaes:

Modificación del Programa del Fondu de Transición Xusta 2021-2027 Determín d’aprobación de 10/06/2025

Cola mira d’ayudar al desenvolvimientu de los oxetivos de la Plataforma de Tecnoloxíes Estratéxiques pa Europa (STEP) definíos nel Reglamentu (UE) 2024/795 del Parllamentu Européu y del Conseyu, de 29 de febreru del 2024, onde se crea la Plataforma de Tecnoloxíes Estratéxiques pa Europa (STEP), faise una reprogramación de los recursos del Fondu de Transición Xusta. Esta reprogramación supón la inclusión de prioridaes nueves nel programa que, nel casu d’Asturies, implica la creación de la prioridá nueva 1B Asturies STEP, que, cola asignación de recursos de la Prioridá 1 Asturies, introduz el desenvolvimientu de cuatro acciones STEP nueves. D’esta manera, pente medies de Determín de C(2025)3823 final, de 10 de xunu del 2025, que modifica’l Determín C(2022)9919 final, queda modificáu’l Programa del Fondu de Transición Xusta 2021-2027. El Determín C(2025)3823 final incluye nel so Anexu II Asignaciones financieres totales por Fondu y contribución nacional (n’EUR) , el porcentaxe máximu de cofinanciamientu pa cada prioridá aplicable al costu almisible total o a la contribución pública.

La Modificación del Programa del Fondu de Transición Xusta 2021-2027 foi oxetu de la tramitación d’un procedimientu d’evaluación ambiental estratéxica simplificada, d’alcuerdu colos artículos 29 a 31 de la Llei 21/2013, de 9 d’avientu, d’evaluación ambiental, procediendo formular l’informe ambiental estratéxicu correspondiente pente medies de Resolución de 20 de febreru del 2025, de la Dirección Xeneral de Calidá y Evaluación Ambiental, onde se formula informe ambiental estratéxicu de la Modificación del Programa del Fondu de Transición Xusta 2021-2027.

Segunda modificación del Programa del Fondu de la Transición Xusta 2021-2027. Decisión d'Aprobación de 18/03/2026

Pola mor de l’aprobación del Reglamentu (UE) 2025/1914, del Parllamentu Européu y del Conseyu, de 18 de setiembre del 2025, pol que se modifiquen los reglamentos (UE) 2021/1058 y (UE) 2021/1056 no que fai a midíes específiques pa facer frente a retos estratéxicos nel contestu de la revisión intermedia, amplíase l’ámbitu d’elexibilidá del FTJ pa incluyir, ente les actividaes susceptibles de recibir sofitu, les destinaes a favorecer l’accesu a una vivienda algamadiza y sostenible, d’alcuerdu col nuevu artículu 8, apartáu 2, lletra p), amás d’actuaciones vinculaes al agua.

Col fin d’incorporar estes posibilidaes nueves de cofinanciación, llevóse a cabu una segunda reprogramación del Programa del Fondu de Transición Xusta d’España 2021-2027, introduciendo, ente otros, una prioridá específica nueva n’Asturies, P1C – Asturies Vivienda, destinada a impulsar l’accesu a vivienda algamadiza y sostenible.

D’esta forma, al traviés de Decisión d’Execución C(2026) 1970 final de 18 de marzu del 2026 que modifica la Decisión d’Execución C(2022) 9919 pola que s’aprueba’l programa «Programa Transición Xusta España 2021-2027» pa recibir ayuda del Fondu de Transición Xusta nel marcu del oxetivu d’inversión n’emplegu y crecedera n’España CCI 2021ES16JTPR001 queda modificáu’l Programa del Fondu de Transición Xusta 2021-2027. La Decisión C(2026) 1970 final incluye nel so ANEXU II Asignaciones financieres totales por Fondu y contribución nacional (en EUR) el porcentaxe máximu de cofinanciación pa cada prioridá aplicable al costu almitible total o a la contribución pública.

Enllaces rellacionados

Xestión y siguimientu

Criterios y Procedimientos de Selección d’Operaciones

Convocatoria d’espresiones d’interés

Convocatoria d´espresiones d´interés hasta´l 20/04/2025

Convocatoria d´espresiones d´interés dende´l 21/04/2025

Solicitú confinanciamientu d´operaciones directamente seleccionaes nel Programa

Xunto a la solicitú anterior, ha presentase la llista de comprobación y la declaración responsable xubida nel apartáu Convocatoria d´Espresiones d´Interés en vigor dende´l 21/04/2025

Midíes antifraude

  • Buzón de contactu: Cola mira d’atender consultes posibles relatives al Programa Operativu, ta disponible’l corréu electrónicu transparencia@asturias.org, abiertu al conxuntu d’axentes y ciudadanía en xeneral. Les comunicaciones recibíes nesti buzón electrónicu dependiendo de la so tipoloxía (consulta, quexa, reclamación alministrativa…) van treslladase a la instancia competente pal so tratamientu posterior.
  • Canal SNCA: Si quier poner en conocimientu del Serviciu Nacional de Coordinación Antifraude fechos que puedan ser constitutivos de fraude o irregularidá en rellación con proyectos o operaciones financiaos con cargu al Fondu de Transición Xusta, pue usar la canal habilitada al efectu pol Serviciu mentáu.

Más información

Alcuerdu de nomamientu d’Organismu Intermediu y atribución de funciones

Descripción de funciones y procedimientos del Organismu Intermediu FTJ 2021-2027 (Principáu d´Asturies)

Evaluación

A lo llargo del periodu de programación, tienen que se facer evaluaciones p’ameyorar la calidá de la concepción y execución de los Programes, amás de pa valorar la so eficacia, eficiencia y impactu. Los resultaos de les actividaes d’evaluación tienen que se difundir ente tolos actores interesaos, pa promover la so integración na xestión de los programes, y ponese a disposición del públicu.

Comunicación

Logo Cofinanciado por la Unión Europea Logo Fondos Europeos

La Unión Europea (UE) dispón de con bien de programes de financiamientu que sofiten proyectos y iniciatives en dellos ámbitos na UE y fuera d’esta.

Tolos beneficiarios, autoridaes de xestión y socios executantes del financiamientu de la UE han usar l’emblema européu nes sos comunicaciones a manera de reconocimientu del sofitu recibíu nel marcu de los programes de la UE, amás de p’ayudar a la visibilidá de la UE sobre’l terrén.

Los beneficiarios de financiamientu de la UE tienen la responsabilidá xeneral de comunicar y aumentar la visibilidá de la UE. Una obligación importante nesti contestu ye la exhibición correcta y nun sitiu destacáu del emblema européu en combinación con una declaración cenciella tocante al financiamientu que mente’l sofitu recibíu de la UE.

Esta guía ta destinada a los beneficiarios de financiamientu de la UE y a terceres partes que faen comunicaciones sobre los programes de la UE. La guía ufre información y exemplos de colocación del emblema européu y de la declaración de financiamientu.

Imaxe Emblema Européu

Imaxe Fondos Europeos

Convivencia de logotipos

Cartelería

Protección d’Infraestructures frente al Cambéu Climáticu

Les empreses que desenvuelven proyectos d’infraestructura cofinanciaos con fondos estructurales europeos (FTX, FEDER, Fondu de Cohesión) nel periodu 2021–2027 tienen qu’integrar la variable climática nel diseñu, planificación y execución de les sos actuaciones. Esta obligación recuéyese n’artículu 73.2.j del Reglamentu (UE) 2021/1060 del Parllamentu Européu y del Conseyu, de 24 de xunu del 2021, pol que s’establecen les disposiciones comunes relatives al Fondu Européu de Desenvolvimientu Rexonal, al Fondu Social Européu Plus, al Fondu de Cohesión, al Fondu de Transición Xusta y al Fondu Européu Marítimu, de Pesca y d’Acuicultura, amás de les normes financieres pa estos Fondos y pal Fondu d’Asilu, Migración y Integración, el Fondu de Seguranza Interior y l’Instrumentu d’Apoyu Financieru a la Xestión de Fronteres y la Política de Visaos, qu’establez la incorporación de la prueba climática (climate proofing): un análisis sistemáticu pa garantizar la coherencia del proyectu colos oxetivos de mitigación y adaptación al cambéu climáticu, en llinia col Pactu Verde Européu.
Pa facilitar el cumplimientu d’esta esixencia, la Dirección Xeneral d’Asuntos Europeos de la Conseyería de Facienda, Xusticia y Asuntos Europeos del Principáu d’Asturies pon a disposición de los beneficiarios de fondos europeos nel Principáu d’Asturies una guía práctica y una ferramienta en formatu Excel. Esta solución ta diseñada pa proyectos de menos de 10 millones d’euros y ufierta:

  • Un marcu metodolóxicu claru, basáu na Comunicación 2021/C 373/01 «Orientaciones técniques sobre la defensa contra’l cambéu climáticu de les infraestructures pal periodu 2021-2027» y referencies técniques sobre:
    • Evaluación d’emisiones de gases d’efectu ivernaderu (mitigación).
    • Análisis de vulnerabilidá y riesgos (adaptación).
  • Un enfoque prácticu adaptáu al contestu rexonal.
  • Pasos normalizaos pa realizar la evaluación de la protección climática d’infraestructures de forma cenciella y sistemática.

Con esta ferramienta, los beneficiarios potenciales van poder asegurar que los sos proyectos cumplen cola normativa europea y contribuyen a la resiliencia frente al cambéu climáticu.