Llei de la cadena alimentaria
La Llei 12/2013, de 2 d’agostu, de midíes p’ameyorar el funcionamientu de la cadena alimentaria (n’adelantre Llei de la cadena alimentaria), onde la última gran modificación introducióla la Llei 16/2021, de 14 d’avientu, quier ameyorar el funcionamientu y la vertebración de la cadena alimentaria de manera que medre la eficacia y competitividá del sector agroalimentario español y mengüe’l desequilibriu nes rellaciones comerciales.
Esta Llei ye d’aplicación a tolos operadores implicaos na producción, tresformación y repartu d’alimentos o productos alimenticios y, en tou casu, les compres d’animales vivos, los piensos y toles materies primes y ingredientes usaos p’alimentación animal, escluyendo les actividaes de tresporte y de la hostelería y restauración.
Les transacciones van tener que tar amparaes por contratos alimentarios formalizaos per escrito y colos elementos qu’hai n’artículu 9 de la Llei 12/2013 mentada. Igualmente, l’artículu 11 bis afita que’l Ministeriu d’Agricultura, Pesca y Alimentación va disponer d’un Rexistru Dixital onde han inscribise, con calter obligatoriu, los contratos alimentarios que se soscriban colos productores primarios y les agrupaciones d’éstos, amás de les sos modificaciones, primero d’entregar el productu oxetu del contratu.
El Real Decretu 1028/2022, pol que se desenvuelve’l rexistru de contratos alimentarios, aclaria quién son los suxetos obligaos a la inscripción de los contratos alimentarios, que, según recueye la Llei de la cadena alimentaria, correspuende a los compradores que formalicen los contratos colos productores primarios y les sos agrupaciones, incluyendo los contratos de compra de lleche crudo y otros productos agrícoles y/o alimentarios.
La non inscripción nel rexistru de contratos alimentarios supón una infracción en materia de contratación alimentaria, que pue ser oxetu de sanción según lo afitao n’artículu 23 de la Llei de la cadena alimentaria.
Autoridaes d'execución
N’ámbitu de les competencies correspondientes a l’Alministración Xeneral del Estáu, l’autoridá d’execución que va exercer de puntu de contactu pa la cooperación tanto ente autoridaes d’execución como cola Comisión va ser l’Axencia d’Información y Control Alimentarios, O. A. (AICA).
Les comunidaes autónomes, d’alcuerdu colos sos estatutos d’autonomía y nel marcu de les competencies previstes n’artículu 26 d’esta llei, han designar autoridaes encargaes de controlar el cumplimientu de lo dispuesto nesta llei nos sos territorios, que van tener, polo menos, les funciones qu’esta llei atribuye a l’Axencia d’Información y Control Alimentarios, O. A., en materia de control del cumplimientu de lo dispuesto nesta llei n’ámbitu de les competencies propies de les comunidaes autónomes.
Informes d'actividá
Documentos informativos
Llei de la cadena
- Lley 12/2013, de 2 d´agostu, de midíes para ameyorar el funcionamientu de la cadena alimentaria.
Llexislación específica “paquete lacteu”
- Real Decretu 95/2019, de 1 de marzu, pol que s’establecen les condiciones de contratación nel sector llácteu y se regula’l reconocimientu de les organizaciones de productores y de les organizaciones interprofesionales nel sector, y pol que se modifiquen dellos reales decretos d’aplicación al sector llácteu
- Real Decretu 319/2015, de 24 d´abril, sobre declaraciones obligatories qu’efectuar por primeros compradores y productores de lleche y productos llácteos de vaca, oveya y cabra.
- Llei 30/2022, de 23 d´avientu, pola que se regula’l sistema de xestión de la Política Agrícola Común y otres materies conexes.
Preguntes frecuentes
Contratos alimentarios
- Real Decretu 1028/2022, de 20 d´avientu, pol que se desenvuelve’l Rexistru de Contratos Alimentarios.
- Accesu a l’aplicación del Rexistru de Contratos Alimentarios.
- Preguntes frecuentes sobre’l Rexistru de Contratos Alimentarios
Formación específica
Sanciones y denuncies
Aplicación práctica para el cálculu de costos de producción na propia esplotación
Datos de contactu
Sección d’Intervención y Regulación de Mercaos
Serviciu d’Agroindustria Dirección Xeneral d’Agricultura, Agroindustria y Desenvolvimientu Rural Conseyería de Mediu Rural y Política Agraria del Principáu d’Asturies
C/ Antonio Suárez Gutiérrez, nº 2- 2ª planta - sector derechu, 33005 Uviéu intervencionyregulacion@asturias.org
Teléfono: 985 109 399