Ayudas de la PAC 2023-2027

Puedes obtener tola información sobre estes ayudes y cómo les tramitar consultando les fiches d’información pública:

• Ayudes nel marcu de la PAC pa esplotaciones agraries de monte
• Ayuda asociada pa la producción sostenible de lleche d´oveya y cabra
• Ayuda asociada pa los ganaderos estensivos de vacunu de carne
• Ayuda asociada pal engorde de xatos na esplotación de nacencia
• Ayuda asociada a la producción sostenible de proteínes d´orixe vexetal. Plan Proteícu
• Ayudes nel marcu de la PAC pa esplotaciones que se dediquen a la cría d´animales de races autóctones pures en peligru de desaniciase
• Ayuda básica a al renta pa la sostenibilidá
• Ecorréxime d´Agricultura de carbonu y agroecoloxía: Pastoréu estensivu, siega y biodiversidá nes superficies de pastu
• Ayuda asociada pa la producción sostenible de lleche de vaca
• Ayuda asociada pa los ganaderos estensivos y semiestensivos d´ovinu y caprinu de carne
• Ayuda asociada pal engorde sostenible de xatos
• Ayudes nel marcu de la PAC pa l´adopción/caltenimientu de práctiques de ganadería ecolóxica
• Ayudes nel marcu de la PAC pa esplotaciones apícoles
• Ayudes nel marcu de la PAC pa espacios agrícoles de la Rede Natura 2000
• Ayudes nel marcu de la PAC pa pumaraes
• Ayudes nel marcu de la PAC, Ecorréxime d´agricultura de carbonu y agroecoloxía: Rotación de cultivos y sema directa en tierres de cultivu de secanu húmedu
• Ayudes nel marcu de la PAC, Ecorréxime d´agricultura de carbonu: Cubiertes vexetales y cubiertes inertes en cultivos lleñosos
• Ayudes nel marcu de la PAC, Ecorréxime d´agroecoloxía: Espacios de biodiversidá

La condicionalidá ye’l conxuntu d’obligaciones (requisitos llegales de xestión (RLLX) y bones condiciones agrícoles y medioambientales (BCAM)) que les esplotaciones con una superficie agrícola declarada superior a 10 hectárees tienen que cumplir pa poder cobrar les ayudes de la Política Agraria Común (PAC).

Normativa reguladora:

Real Decretu 1049/2022, de 27 d’avientu, pol que s’establecen les normes pa l’aplicación de la condicionalidá reforciada y de la condicionalidá social qu’han cumplir les persones beneficiaries de les ayudes nel marcu de la Política Agrícola Común que reciban pagos directos, determinaos pagos anuales de desenvolvimientu rural y del Programa d’Opciones Específiques pola Alloñanza y la Insularidá (POSEI).

Bones condiciones agraries y medioambientales (BCAM)

• BCAM 1 - Caltenimientu del pastu permanente.
• BCAM 2: Protección d’humedales y turberes.
• BCAM 3: Prohibición de quema de rastroxu, sacante por razones fitosanitaries
• BCAM 4: Creación de franxes de protección nes orielles de los ríos.
• BCAM 5: Xestión de la llabranza, amenorgando’l riesgu de degradación y erosión del suelu, lo qu’incluye tener en cuenta l’inclín de la pendiente.
• BCAM 6: Cobertura mínima del suelu pa evitar suelos esnudos nos periodos más sensibles.
• Particularidá Asturies:
• En tierres de barbechu han facese práctiques tradicionales de manexu del suelu, práctiques de llaboréu mínimu o caltenimientu d’una cubierta afayadiza del suelu. Sicasí, nun s’han facer tratamientos agrícoles sobre estes tierres ente los meses d’abril y xunu, dambos incluyíos. (BR Ventésima quinta 2 a de la Resolución de 7/04/2025)
• Na práctica de Sema Directa, y según lo afitao n’artículu 37.2 del Real Decretu 1048/2022, escepcionalmente, y por causa bien xustificada, van dexase llabores verticales, según se define na BCAM 6, n’anexu II del Real Decretu 1049/2022, siempre y cuando se cumpla cola obligación de caltener el rastroxu enriba’l suelu, de manera que tea cubiertu a lo llargo de tol añu. (Apartáu Octavu.1c de la Convocatoria de la Resolución de 7/04/2025)
• BCAM 7: Rotación en tierres de cultivu sacante en cultivos baxo agua.
• Particularidá Asturies:
• Va considerase cultivu principal aquél que s’atope na parcela ente los meses de 1 de xineru a 31 de marzu. (BR Ventésima quinta 2 b de la Resolución de 7/04/2025)
• Na práctica de rotación de cultivos con especies meyorantes del artículu 36 del RD 1048/2022, el requisitu de qu’al menos el 50 % de la superficie de tierra de cultivu correspondiente presente cada añu un cultivu diferente al cultivu previu, d’alcuerdu colos mesmos criterios establecíos nel plan estratéxicu de la PAC 2023 – 2027 pa la condicionalidá reforciada y les bones condiciones agrícoles y medioambientales (BCAM) y en concreto pa la BCAM 7, rebáxase al 25 % nes esplotaciones con más del 25 % de la tierra de cultivu correspondiente con especies plurianuales, d’alcuerdu colo establecío n’artículu 36.1 a) del Real Decretu 1048/2022 (Apartáu Octavu.1b de la Convocatoria de la Resolución de 7/04/2025)
• BCAM 8: Caltenimientu de los elementos del paisaxe, prohibición de cortar sebes y árboles a lo llargo de la temporada de cría y reproducción de les aves.
• BCAM 9 - Prohibición de convertir o arar les praderíes permanentes declaraes como praderíes permanentes sensibles dende’l puntu de vista medioambiental nos espacios Natura 2000.
• BCAM 10: Fertilización sostenible.

Requisitos Llegales de Xestión (RLX)

• RLG 1: Ámbitu de la política d’agua.
• RLG 2: Protección del agua contra la contaminación producida por nitratos procedentes de fontes agraries.
• RLG 3: Conservación de les aves monteses.
• RLG 4: Conservación de los hábitats naturales y de la fauna y flora monteses.
• RLG 5: Principios y requisitos xenerales de la seguranza alimentaria.
• RLG 6: Prohibición d’usar determinaes sustancies d’efectu hormonal y tireostáticu y sustancies β-agonistes na cría de ganáu.
• RLG 7: Comercialización y usu de productos fitosanitarios.
• RLG 8: Usu sostenible de los plaguicides.
• RLG 9: Normes mínimes pa la protección de xatos.
• RLG 10: Normes mínimes pa la protección de gochos.
• RLG 11: Protección de los animales nes esplotaciones ganaderes.

Cola aplicación del Plan Estratéxicu de la PAC,  vincúlase’l cobru íntegru de determinaes ayudes de la PAC al cumplimientu por parte d’agricultores y demás persones beneficiaries d’una serie de normes básiques en materia de condiciones de trabayu y emplegu de les persones trabayadores agrícoles y de la so seguranza y salú nel trabayu.

La condicionalidá social aplícase dende’l 1 de xineru del 2024. Van comprobase les sanciones posibles por incumplimientos de la llexislación llaboral por parte de les autoridaes llaborales.

Circular de coordinación 21/2025. Criterios pa l’aplicación de penalizaciones por condicionalidá social. Fondu Español de Garantía Agraria (FEGA).

Por cuenta de les quemes que tamos sufriendo, ye posible que’l cumplimientu de dellos compromisos de les Ayudes PAC pueda vese afectáu. Ente otros, la obligación de pastiar 3 meses, nel casu de la Intervención de Xestión sostenible de pastu, o’l cumplimentu de la “actividá agraria” na superficie comunal, en beneficiarios que nun soliciten l’ayuda de pastu.

Nestos casos, taríemos énte un posible casu de fuercia mayor.

P’aplicar la fuercia mayor, los beneficiarios que se puedan ver afectaos por esta situación van tener que presentar un escritu, onde manifiesten les llimitaciones que tán teniendo, describiendo lo meyor que se pueda cada casu, casu que se va estudiar de manera individualizada, tal y como establez la llexislación.

Hai que tener en cuenta tamién que la normativa establez que’l plazu de comunicación va ser dientro de los quince díes siguientes a la fecha na que acontecieren esos fechos, o en casu de que pola so naturaleza s’imposibilitare o torgare gravemente la comunicación, a la fecha na que’l beneficiariu o’l so representate tea en condiciones de facelo.

Pa mas información, pue dirixise a la so Oficina Comarcal.

¿Qué ye la monitorización?

Ye un tipu de control qu’usa les señales que proporcionen los satélites Sentinel pa facer un control automáticu de les parceles declaraes pol beneficiariu, pa verificar el cumplimientu de los requisitos que s’esixen pal cobru de les ayudes PAC. En resume, compara lo declarao pol solicitante y lo observao nes imáxenes del satélite.

¿Qué tengo que facer si recibo una carta de monitorización?

Desque reciba esta comunicación, va dexar llevar a cabu la corrección de los desaxustes detectaos, ensin qu’esto seya una penalización nos pagos de les ayudas o, si ye’l casu, confirmar que la so parcela tea bien declarada, anque’l resultáu del control por monitorización lo ponga en dulda o diga lo contrario.

Nel casu de que piense que la so parcela ta bien declarada, en contra de lo que detecta la monitorización, ha presentar una semeya xeorreferenciada onde se visualice a les clares la validez de la so declaración. Esta semeya ha facese al traviés de l’aplicación SGAapp.

Nel casu de que seya un error na declaración, ha presentar namás un escritu, indicando la modificación qu’hai que facer (adaptación o arrenunciu) na parcela o parceles afectaes.

Si precisa ayuda pa facer la execución de la semeya xeorreferenciada o pa llevar a cabu’l trámite coles correcciones, pue llamar al teléfonu 985 190716, onde va recibir tola ayuda necesaria pa facer la tramitación.

Tamién lu van poder ayudar nesti trámite la Entidá Collaboradora cola que xestionó les Ayudes de la PAC_2025 y la Oficina Comarcal de la so zona.

¿Qué plazu tengo?

Ponse como fecha fin de plazu d’adaptaciones y presentación de semeyes xeorreferenciaes el 31 d’agostu del 2025. Hai que tener en consideranza que, depués d’esta fecha, nun se van poder facer nin adaptaciones nin presentación de semeyes.

Pa más información: Contacta cola to Oficina Comarcal Agraria o, si ye’l casu, cola to entidá tramitadora d’ayudes.