Servicio de laboratorio de sanidad animal y vegetal
Llaboratorio oficial d’análisis nel campu de la sanidá animal
Actividaes principales
- Facer ensayos y diagnósticos de muestres procedentes d’animales y de muestres destinaes a l’alimentación animal y al consumu humanu.
- Investigar y sofitar, pa control internu, muestres procedentes de les industries agroalimentaries pertenecientes a la rexón (fábriques de piensu, conserveres, de pescáu, etc.).
- Análisis de programes, campañes de desaniciu y control d’enfermedaes, y planes de sanidá animal.
Quién lu pue usar
Administración pública, ganaderos, asociaciones de defensa sanitaria, veterinarios clínicos, etc.
Contactu
- Travesía del Hospital 96, Xove, 33299, Xixón
- Teléfono: 985 317 367
- Correu electrónicu: lsapa@asturias.org
Documentos que precises conocer
Llaboratoriu de sanidá vexetal. Organización y funciones
Al Llaboratoriu de Sanidá Vexetal del Principáu d’Asturies, inauguráu en xunu de 1999, correspuénde-y la prestación de soporte analíticu y sofitu técnicu a l’autoridá competente en materia de sanidá vexetal y, en particular, fai los llabores analíticos rellacionaos col desenvolvimientu de programes de vixilancia, control y desaniciu de plagues y enfermedaes vexetales y les rellacionaes cola hixene na producción primaria agrícola y la vixilancia nel usu correctu de productos fitosanitarios.
Ta compuestu por trés departamentos:
- Fitopatoloxía.
- Entomoloxía y control biolóxicu.
- Análisis de residuos de productos fitosanitarios
Funciones de los departamentos de fitopatoloxía y entomoloxía:
- Análisis de muestres de vexetales, productos vexetales o otros oxetos, recoyíes pola autoridá competente nes prospecciones y otres actividaes oficiales de vixilancia, siguimientu, control y desaniciu de plagues cuarentenaries y otres plagues regulaes de la Unión Europea.
- Análisis de muestres vexetales solicitaos por particulares, profesionales o pola Alministración, pal diagnósticu de plagues y enfermedaes vexetales.
- Estudiu y siguimientu de determinaes plagues y enfermedaes d’interés especial na rexón.
- Estudiu y siguimientu de programes de control biolóxicu
Funciones del departamentu d’análisis residuos:
- Análisis de fruta, hortalexa y otres muestres d’orixe vexetal recoyíes en campu pa la determinación de residuos de productos fitosanitarios nel marcu del Programa de control oficial na hixene primaria na producción agrícola y del usu de productos fitosanitarios, integráu nel Plan nacional del control oficial de la cadena alimentaria (PNCOCA).
- Análisis de muestres procedentes d’agricultores profesionales n’Asturies al traviés de les ATRIES (agrupaciones pal tratamientu integráu n’agricultura) y d’otres organizaciones como COPAE (Conseyu de la Producción Agrícola Ecolóxica).
El llaboratoriu collabora estrechamente colos llaboratorios oficiales d’otres comunidaes autónomes y los llaboratorios nacionales de referencia, amás de con otres organizaciones como’l SERIDA, ATRIES, universidá, etc.