Espedientes de protección patrimonial
Llista de los espedientes de declaración como bien d’interés cultural (d’equí p’alantre, BIC) o d’inclusión n’Inventariu del patrimoniu cultural d’Asturies que s’alcuentren anguaño en tramitación. En cada casu, muestren los enllaces pa consultar les resoluciones correspondientes d’entamu de los espedientes y los trabayos técnicos qu’avalen estes propuestes.
(Tolos documentos n'español)
Procesos para la declaración como BIC
Pozu Santa Bárbara (Mieres)
(Espediente incoáu pa la modificación del decretu de declaración de BIC)
Resolución de 20 d’ochobre del 2023, de la Conseyería de Presidencia, Retu Demográficu, Igualdá y Turismu, pola que s’incoa espediente pa la modificación del Decretu 7/2010, de 27 de xineru, de la Conseyería de Cultura y Turismu, pol que se declara bien d’interés cultural, cola categoría de conxuntu históricu, el Pozu Santa Bárbara de La Rebaldana, nel conceyu de Mieres, publicada nel BOPA de 14-XI-2023.
Lucus Asturum (Llanera)
(Espediente incoáu pa declaración BIC na categoría de zona arqueolóxica)
Resolución de 7 de marzu del 2024, de la Conseyería de Cultura, Política Llingüística y Deporte, pola que s’incoa espediente pa la declaración como bien d’interés cultural, cola categoría de zona arqueolóxica, del xacimientu arqueolóxicu identificáu como Lucus Asturum, asitiáu nel conceyu de Llanera, publicada nel BOPA de 22-III-2024.
Conxuntu patrimonial de los Selgas (El Pitu, Cuideiru)
(Espediente incoáu pa declaración BIC na categoría de conxuntu históricu)
Resolución del 22 de xunu del 2023, de la Conseyería de Cultura, Política Llingüística y Turismu, pola que s’incoa espediente pa la declaración del conxuntu patrimonial de los Selgas n’El Pitu, Cuideiru, como bien d’interés cultural, cola categoría de conxuntu históricu, publicada nel BOPA del 10-VII-2023.
Colección artística de la Caja de Ahorros de Asturias antigua
(Espediente incoáu pa declaración BIC na categoría de bien mueble –colección–)
Resolución del 27 de xunu del 2023, de la Conseyería de Cultura, Política Llingüística y Turismu, pola que s’incoa espediente pa la declaración como bien d’interés cultural de la colección artística de la Caja de Ahorros de Asturias antigua, publicada nel BOPA del 11-VII-2023.
Teatru Popular Asturianu
(Espediente incoáu pa declaración BIC de bien de calter inmaterial)
Resolución de 5 de febreru del 2025, de la Conseyería de Cultura, Política Llingüística y Deporte, pola que s'incoa espediente pa la declaración del Teatru Popular Asturianu como Bien d'Interés Cultural de calter inmaterial, publicada nel BOPA de 28-II-2025.