Protección del patrimoniu cultural
Los bienes que conformen el Patrimoniu Cultural d´Asturies protéxense, d´alcuerdu cola Llei del Principáu d´Asturies 1/2001, de 6 de marzu, de Patrimoniu Cultural, al traviés de la so integración en dalguna d´estes categories de protección:
Bienes d'interés cultural (BIC)
Inventariu del patrimoniu cultural (IPCA)
Inclúyense nel IPCA los bienes muebles y inmuebles que tengan valores patrimoniales en grau notable, sacante naquellos casos nos que´l so interés escepcional suponga la declaración como BIC.
Visor de bienes d'interés cultural (BIC)
Ufierta información sobre tolos BIC declaraos d’Asturies con datos históricos y llegales, amás d’información fotográfica y cartográfica. Nel mapa atópase’l bien y determínase la so contornada de protección.
Normativa en materia de patrimoniu cultural asturianu
- Llei del Principáu d´Asturies 1/2001, de 6 de marzu, de Patrimoniu Cultural.
- Decretu 126/2001, de 18 d´ochobre, pol que s´aprueba´l Reglamentu de composición y funcionamientu de la Comisión de Valoración de Bienes del Patrimoniu Cultural d´Asturies.
- Decretu 15/2002, de 8 de febreru, pol que se regula la organización y funcionamientu del Conseyu del Patrimoniu Cultural d´Asturies.
- Decretu 18/2002, de 8 de febreru, que regula la Comisión d´Inversiones con cargu al Uno por Ciento Cultural n´obres públiques.
- Decretu 20/2015, de 25 de marzu, pol que s´aprueba´l Reglamentu de desenvolvimientu de la Llei del Principáu d´Asturies 1/2001, de 6 de marzu, de Patrimoniu Cultural.
- Llei del Principáu d´Asturies 4/2021, de 1 d´avientu, de Midíes Alministratives Urxentes