Cultura asturiana de la sidra
La candidatura 'Cultura sidrera asturiana' declaróse Patrimoniu Cultural Inmaterial de la Humanidá na 19ª sesión del Comité Intergubernamental de Salvaguarda del Patrimoniu Cultural Inmaterial de la UNESCO qu’aconceyó esta selmana n’Asunción (Paraguay).
Promovida pol Gobiernu del Principáu d’Asturies, la candidatura –qu’alcordó’l Conseyu de Patrimoniu Históricu na so reunión de payares del 2021 en Menorca– refierse a tol conxuntu de práctiques vinculaes a procesos de producción, distribución y consumu de sidra natural. Estes práctiques desenvuélvense nel territoriu asturianu dende, lo menos, l’Alta Edá Media y trescienden lo material hasta convertise nun sentimientu d’identidá personal y de pertenencia a la comunidá.