Estaciones de esquí

Asturies tien dos estaciones d'esquí xestionaes baxo l'amparu de la Dirección Xeneral de Deportes del Principáu: Valgrande-Payares (L.lena) y Fontes d'Iviernu (Ayer). Dambes estaciones ufierten un total de más de 30 km de dominiu esquiable, incluyendo pistes pa tolos niveles, remontes mecánicos y servicios d'hostelería.

• Valgrande-Payares (L.lena): Dispón d'alredor de 30 quilómetros de pistes, con una ufierta mui variada (verdes, azules, encarnaes y negres). El desnivel ta ente los 1.450 m y los 1.890 m d'altitú, con zones técniques como Cuitunigru, Valle del Sol o El Tubu. Puedes consultar más información na web oficial de la Estación Ivernal y de Montaña de Valgrande Payares. 

• Fontes d'Iviernu (Ayer): Tien 8,7 quilómetros de pistes, con 3 verdes, 3 azules, 6 encarnaes y 3 negres y altitúes comprendíes ente 1.500 m (base) y 1.950 m (cota máxima), con un desnivel aproximáu de 450 m. Dispón de trés zones bien estremaes: zona base, zona media (La Yana’l Fito) y zona alta, mui averada a los 2.000 m. Puedes consultar más información na web oficial de Fontes d'Iviernu.