ENCINA: Estrategia Nodal de Capacidades en Inteligencia Artificial de Asturias
La intelixencia artificial non solo nos ayudas a buscar información y trabayar, tamién dexa progresar a tou un territoriu y meyorar la rellación ente les Alministraciones públiques, les persones y les empreses.
Por esti motivu, el Principáu d’Asturies presentó la so Estratexa Nodal de Capacidaes n'Intelixencia Artifical d'Asturies (ENCINA) 2026-2031, la so fueya de ruta pa desenvolver una intelixencia artificial propia, pública, segura y útil que pon nel centru a les verdaderes necesidaes de cada persona.
Sobre la estratexa ENCINA
El nacimientu d’esta estratexa tien como oxetivu ufiertar a la ciudadanía meyores servicios públicos, aprovechando la intelixencia artificial pa llograr que l’Alministración asturiana progrese y seya más áxil, cenciella, cercana, con menos esperes y con xestiones más fáciles. Too eso gracies a una tecnoloxía segura no relativo a la protección d’información y datos.
Con esta estratexa, Asturies impúlsase como un referente que desenvuelve una intelixencia artificial propia, tresparente y n’autoevaluación continua sobre’l so impactu medioambiental y social.
Y, ¿qué aporta a la ciudadanía esta tecnoloxía?
Ensin dulda, impulsa una meyora significativa escontra una atención más personalizada y, por tanto, más empática y directa con cada realidá:
- Pa les persones reforcia los servicios públicos con un sistema d’axentes intelixentes que reduz esperes, facilita l’atención les 24 hores del día, tolos díes de la selmana, y simplifica trámites alministrativos.
- Pa les empreses crea un ecosistema d’innovación abierta y accesu a una infraestructura soberana d’intelixencia artificial destinada al texíu empresarial asturiano.
- Pa tol Principáu reforcia’l so allugamientu como territoriu innovador gracies a la soberanía tecnolóxica qu’atrai y retién el talentu.
Estratexa clave d’ENCINA: pruebes previes a la implementación
L’enfoque d’ENCINA nun consiste a cencielles n’implementar tecnoloxía, sinón que ta diseñáu p’aprender primero d’aplicar y, d’esta forma, caltener l’enfotu ciudadanu y evitar soluciones dixitales inmadures.
Pa qu’esta tecnoloxía seya útil, primero tien de ser confiable. Por eso, tolos sistemes tecnolóxicos desenvueltos na estratexa ENCINA van cumplir criterios de seguranza, privacidá, tresparencia y supervisión humana, validaos pol sellu AsturIA..
Primero de llegar a tola ciudadanía, cada solución va pasar per trés fases:
- Primeres pruebes n’entornos controlaos.
- Pruebes pilotu que midan el so impactu real.
- Y, solo si funcionen y se consideren segures, va procedese a la so implementación.
Desque s’implemente cada solución tecnolóxica basada nesta intelixencia artificial, va pasar a ser evaluada de forma constante pa evitar, ente otres cuestiones, sesgos negativos, promover l’accesibilidá global y la claridá, evitar xeres repetitives y, en xeneral, impulsar la so progresiva madurez pa construyir el futuru d’unos servicios públicos más eficientes, tresparentes y inclusivos.
Innovación n’Asturies con supervisión humana
La estratexa, qu’empieza nesti añu 2026 y va desenvolvese hasta’l 2031, avanza seguro pa esplegar una intelixencia artificial propia, que demuestre’l valor de lo público y s’adapte de forma continua a les necesidaes reales de la sociedá y del texíu empresarial. Pa eso, prevése que priorice ente les distintes iniciatives d’actuación y que siempre tenga una supervisión humana clara: en tou momentu y en toa decisión.
Esto significa qu’Asturies empieza una etapa nueva como referente n’intelixencia artificial pública, ensin perder l’oxetivu de crear tecnoloxía al serviciu de les persones. Porque la estratexa ENCINA nun busca que les persones tengan que lluchar cola tecnoloxía pa rellacionase cola Alministración asturiana, sinón lo contrario: averar a dambes.