Carbuncu bacteridianu

Carbunco bacteridiano

El carbuncu o ántrax afecta a una cantidá grande d’especies, anque presenta una virulencia y unos síntomes clínicos variables, siendo relevante sobre manera pola so gravedá y incidencia n’herbívoros.

Trátase d’una zoonosis y produz una mortalidá elevada. L’axente infecciosu caracterízase pola so resistencia nel mediu ambiente, onde garra la forma d’esporos que, inxeríos pol ganáu al pastiar, provoquen la enfermedá.

Periodu d’incubación y tresmisión: La enfermedá apaez típicamente tres d’un periodu d’incubación d’unos 20 díes. Lo normal ye que la tresmisión de la enfermedá se produzca de manera directa (per vía oral), al traviés de la inxestión de pastu contaminao n’herbívoros. Tamién ye posible la infección per vía respiratoria al traviés de la inhalación d’esporos, anque esto ye más infrecuente. Falóse de la posible tresmisión per vía indirecta al traviés de vectores (sobre manera de tabanos) portadores de la bacteria qu’entren en contactu con un individuu infestáu.

Prevención y control

Consisten fundamentalmente en:

  1. La vacunación de los animales. Aconséyase la vacunación de tolos animales que vaigan a pastu comunal. Han trescurrir trés selmanes dende la fecha de vacunación pa poder dir a ello, y eso siempre que nun hubiere muertes nos 15 díes últimos. Recuérdase que los animales vacunaos nun pueden destinase a sacrificiu (consumu) hasta que pasen 2 selmanes dende la fecha de vacunación.
  2. La implementación de midíes de bioseguranza. Na manipulación de los reses muertosanz han siguise les midíes de bioseguranza. Si s’opta pol enterramientu de los animales muertos, esti ha facese a una fondura mínima de 2 metros con aplicación de cal vivo, añadiendo tamién cal vivo o otru desinfestante na zona onde se ponga’l cadabre. Nun ha desaxe nunca nel esterior, a disposición de los animales carroñeros, yá que podríen esparder la enfermedá.