Dermatosis nodular contaxosa de los bóvidos (DNC)

Ficha de la enfermedá

La dermatosis nodular contaxosa de los bóvidos (DNC) (LSD (Lumpy Skin Disease) nes sos sigles n´inglés), ye una enfermedá non zoonósica, quier dicise, les persones nun son susceptibles a la infección nin por contactu colos animales nin por inxestión de productos derivaos d’ellos.

  • Ta producida por un virus de la familia Poxviridae, xéneru Capripoxvirus.
  • Tresmisión: la so vía de tresmisión principal ye al traviés de vectores (mosques, mosquitos), pero tamién ye posible la tresmisión directa por contactu con animales enfermos, y indirecta por contactu con materiales contaminaos, tresmisión seminal o intrauterina. El tresporte de ganáu xuega un papel importante nel espardimientu de la enfermedá a distancies llargues.
  • Periodu d’incubación: 4-14 díes.
  • Ye una enfermedá de categoría A na UE, polo que resulta obligatorio adoptar les midíes precises pa llograr la so erradicación.
  • Enfermedá de declaración obligatoria d’alcuerdu col Real Decretu 779/2023.
  • LNR: Llaboratoriu Central de Veterinaria d’Algete.

La enfermedá tien importancia económica porque causa una mengua grande na producción, sobre manera en vaques de lleche.

Sospecha de DNC nuna esplotación

Los síntomes nos qu’hai que poner atención especial son: 

  • Fiebre (40-41,5 ºC) transitoria o hasta de 2 selmanes de duración. 
  • Tumefacciones o nódulos nel pelleyu, de 1 a 5 cm de diámetru o más, que con muncha frecuencia xeneralícense.
  • Abatimientu, anorexa, salivación escesiva, secreción óculo nasal, agalaxa y emaciación.
  • Nódulos doliosos, sobre manera nel pelleyu del focicu, nes narices, el llombu, les pates, l’escrotu, el periné, los párpagos, la base de les oreyes, la mucosa oral y el rabu. Los nódulos afecten a tol pelleyu, el texíu subcutáneo y delles veces la musculatura.
  • Na enfermedá los nódulos pueden volvese necróticos y delles veces formen costres abondo grueses.
  • Coxera provocada pola inflamación y necrosis de los tendones y por edema agudu nel pechu y nes pates.
  • Los ganglios linfáticos superficiales que drenen les zones del pelleyu infectao pueden multiplicar el so tamañu normal de cuatro a diez veces.
  • Pueden producise complicaciones secundaries como l’apaición d’infección bacteriana de los tetos, que pue provocar una mastitis grave y la perda del cuartu, l’apaición d’infección bacteriana del tendón y de l’articulación que pue provocar una coxera permanente, o albuertu y infección intrauterina y pue producise una esterilidá pasaxera nos gües y les vaques.

Énte la presencia de cualquiera d’esos síntomes en dalgún animal de la esplotación facer la notificación inmediata a los servicios veterinarios oficiales. La detección precoz resulta crítica p’amenorgar l’impactu nel casu d’entrada de la enfermedá.

Midíes de vixilancia/prevención pa minimizar el riesgu d´entrada de la enfermedá nel Principáu d´Asturies

Resolución de 28 de enero de 2026, de la Consejería de Medio Rural y Política Agraria, por la que se adoptan medidas cautelares frente a la Dermatosis Nodular Contagiosa (DNC) en el Principado de Asturias. 

Instrucción sobre midíes de bioseguranza, control de vectores y vixilancia sanitaria accesories frente a la DNC na especie bovina

Llista d’insecticides d’usu nuna contornada ganadera (ábrese nuna pestaña nueva)

  1. Se suspende hasta el 29 de marzo de 2026 (inclusive) todas las ferias, concursos, certámenes, subastas, mercados y cualquier evento o concentración de animales de la especie bovina en el ámbito territorial de la Comunidad Autónoma del Principado de Asturias permitiendo la celebración de dichos eventos para el resto de especies, salvo la prohibición establecida para las aves por la Orden APA/1288/2025, de 11 de noviembre, en tanto en cuanto la misma esté vigente.

  2. Se suspende la autorización del Mercado Nacional de Ganados de Pola de Siero como mercado nacional de ganado hasta el día 29 de marzo de 2026 (inclusive).

  3. El plazo señalado en los apartados previos podrá modificarse mediante Resolución expresa en función de la evolución epidemiológica de la enfermedad.

  4. Adóptase la midida cautelar de cuarentena de 21 díes pa tolos animales d’especies sensibles pertenecientes a la esplotación ganadera que reciba animales procedentes de zones consideraes de riesgu al respective de la Dermatosis Nodular Contaxosa pola Dirección Xeneral de Ganadería de la Conseyería de Mediu Rural y Política Agraria. Esta midida va incluyir la desinsectación obligatoria de tolos animales de les especies sensibles asitiaes nes instalaciones depués de la llegada d’estos animales de zonas de riesgu.

  5. Siempre hai qu’esforciase coles midíes de bioseguranza en toles esplotaciones de ganáu vacuno y nel tresporte d’animales, con atención especial a les midíes de desinsectación. Aconséyase tratar tanto a los animales como a les instalaciones y vehículos con productos autorizaos y rexistraos pa esti usu, anotando la so aplicación nos rexistros correspondientes y poniendo atención especial a los periodos de supresión.

[Ancla]

¿Cómo se combate la enfermedá desque tea confirmada?

Vaciáu Sanitariu: Aplícase nes esplotaciones infestaes. Tamién tienen qu’eliminase de forma afayadiza cola mira d’evitar la dispersión del virus tolos productos que tuvieren en contactu colos animales. Aquellos elementos que nun puedan eliminase (p. ex. ferramientes y maquinaria) tienen que se someter a una llimpieza  y desinfección fonda pa evitar el riesgu de diseminación del virus.

Zona de restricción: Establezse cuando se confirma’l positivu d’un casu de DNC nuna esplotación. Nesta zona llévase a cabu una investigación pa escartar la presencia d’enfermedá n’otros rebaños y aplíquense una serie de prohibiciones y restricciones pa minimizar el riesgu de propagación. Dientro d’esta zona, los primeros 28 díes establécense dos subzones estremaes: la zona de protección (de 0 a 20 quilómetros alredor del focu) y la zona de vixilancia (de 20 a 50 quilómetros alredor del focu). Nuna segunda fase, que s’activa a partir del día 29, si nun se confirmen casos nuevos, la zona de vixilancia espárdese de 0 a 50 quilómetros del focu. La zona de restricción remata’l día 45.

Nel el casu de Cataluña Zones de protección y de vixilancia establecíes alredor del brote confirmáu en Girona (Decisión de Ejecución (UE) 2025/2248 de la Comisión, de 4 de noviembre de 2025, relativa a determinadas medidas de emergencia en relación con la infección por el virus de la dermatosis nodular contagiosa en España).

Midíes relatives al control de rendimientu llecheru.

Vacunación: D’alcuerdu cola normativa vixente, la vacunación namás pue implementase de forma escepcional y  autorización previa pola Comisión Europea del plan de vacunación correspondiente, que se va limitar a la zona afectada. Polo tanto:

  • Pal diseñu y implementación del plan de vacunación d’urxencia va siguise esti Protocolu.
  • Namás el Ministeriu d’Agricultura, Pesca y Alimentación pue adquirir y  suministrar les vacunes a les autoridaes competentes de les CC. AA. pa llevar a cabu campañes de vacunación nes zones autorizaes. En territorios non afectaos la vacunación nun ye posible.
  • Prohíbese aplicar vacunes non autorizaes o facer campañes de vacunación non oficiales. L’usu, posesión o aplicación de vacunes non autorizaes ye una infracción pergrave que pue suponer sanciones importantes y inclusive responsabilidá penal.

Documentación de referencia:

[Ancla]

Incidencia de la DNC en rellaciones comerciales internacionales

[Ancla]

Situación de la enfermedá

Tocante a la situación de la enfermedá, el MAPA publica periódicamente nel so portal notes d'actualización que pueden consultase en:

Dermatosis nodular contaxosa