Rinotraqueitis infecciosa bovina (IBR)
Ficha de la enfermedad
Ficha de la enfermedá
La Rinotraqueitis infecciosa bovina (IBR) ye una enfermedá producida pol herpesvirus vacunu de tipu 1 (BoHV-1), virus asemeyáu al herpes y qu’afecta al ganáu bovino.
Esta enfermedá afecta al aparatu reproductor, al aparatu respiratoriu y al sistema nerviosu y, por eso, los animales, ente otres consecuencies, pierden les críes, pierden fertilidá, sufren problemes respiratorios y encefalitis.
El virus ye bien contaxosu y tresmítese per vía aérea, polo que, cuando la enfermedá apaez nuna esplotación, la infección espárdese rápido.
El ganáu que pasó la enfermedá nunca se cura y pue tresmitila a otros animales a lo llargo de la so vida.
Les perdes económiques asociaes a esta enfermedá rellaciónense cola mesma clínica de la enfermedá, la mengua de la producción láctea y les restricciones al comerciu d’animales, semen, óvulos y embriones que pueden producise.
- Enfermedad de declaración obligatoria (Real Decreto 779/2023)
- Períodu d'incubación: de 2 a 4 días.
- Laboratorio Nacional de Referencia: Laboratorio Central de Veterinaria de Algete (Madrid)
Situación epidemiológica
La IBR ye una enfermedá con una trayectoria llarga, y dellos países europeos foron quién a desanicial gracies a los programes de salú establecíos va unos años; por eso, anguaño tán nomaos como países llibres d’enfermedá.
Pa más información de la situación de la enfermedá, ver esti enllaz.
Nel casu d'España, el Real Decretu 554/2019, de 27 de setiembre, estableció los criterios pa poner en marcha’l programa de prevención, control y desaniciu de la IBR p’harmonizar el control de la enfermedá a nivel nacional y, con esa mira, ufiertó un programa nacional voluntariu a les esplotaciones ganaderes.
Programa nacional voluntario de prevención, control y erradicación a la IBR
Les principales actuaciones qu'incluye son:
- Calificación sanitaria oficial de les esplotaciones. Según la cantidá de controles que se faigan y les vacunes que se pongan, cada esplotación llogra una calificación determinada, y dependiendo d’eso, entra nuna categoría o n’otra.
- Sustitución de les vacunes convencionales por vacunes marcaes que dexen diferenciar animales vacunaos d’animales infectaos.
- Regulación oficial de los movimientos ente esplotaciones según la so situación sanitaria.
- Adhesión voluntaria nel Programa de Prevención, Control y Desaniciu de la IBR.
N’Asturies incluyimos esta enfermedá nos Programes de les Agrupaciones de Defensa Sanitaria (Ver Ficha de Serviciu web asturias.es) y insistimos na necesidá de vacunar a tol ganáu bovino que xuba a los puertos y llograr asina que les nuestres esplotaciones tengan una calificación que garantice la salú del ganáu y que va facilita-yos poder vender el ganáu pa otres CC. AA. como, por exemplu, el País Vascu ensin restricciones.