Movimientu de ganáu
El movimientu d’animales procedentes de les esplotaciones ganaderes del Principáu d’Asturies, per cualquier mediu que seya, ha dir amparáu pola documentación sanitario qu’estableza la normativa vixente y ha inscribise nel Rexistru d’identificación individual d’animales y Rexistru de movimientu de ganáu (RIIA/REMO).
Los animales oxetu del treslláu han cumplir polo menos estos requisitos:
- Han tar identificaos d’alcuerdu colo dispuesto na so normativa sectorial.
- Han venir d’una esplotación y d’una zona que nun tean suxetes por motivos sanitarios a una prohibición o a una restricción en virtú de la llexislación vixente.
- Han cumplir les condiciones sanitaries establecíes poles normatives sectoriales.
- Nun han mostrar señales clínicos d’enfermedá.
Amás de los requisitos anteriores, los tresllaos han cumplir cola normativa sanitaria, zootécnica, de bienestar animal, de rexistru y demás disposiciones xenerales o sectoriales en vigor.