Botiquinos veterinarios
El veterinariu clínicu ha comunicar a l’autoridá competente la existencia, si ye’l casu, de medicamentos pal so usu profesional. D’esta manera, el veterinariu tien autoridá pa la tenencia, tresporte, aplicación, usu, alministración o cesión (ensin qu’eso implique actividá comercial) de medicamentos veterinarios.
Esta comunicación a l’autoridá competente, nel Principáu d’Asturies, ha realizase nel modelu de comunicación que pue descargase dende l’enllaz correspondiente d’esta páxina, y que ye’l que tamién apurre’l Colexu Oficial de Veterinarios d’Asturies. Ha presentase nel Rexistru Xeneral del Principáu d’Asturies de forma telemática, al tratase d’obligaos llegales.
El veterinariu qu’adquiera, use o ceda al responsable de los animales los medicamentos del so botiquín, ha llevar un rexistru de cada entrada y cada usu o cesión de medicamentos suxetos a prescripción veterinaria.
L’adquisición y tenencia de medicamentos va tar autorizada cuando’l veterinariu, empresa veterinaria, o sociedá profesional que lleve a cabu l’exerciciu profesional por más d’un veterinariu, comunique a l’autoridá competente correspondiente la existencia del botiquín veterinariu, con indicación del so allugamientu, incluyíes les unidaes de clínica ambulante. Esta comunicación siempre s’ha facer por un veterinariu, que tamién va ser responsable, si ye’l casu, d’identificar y comunicar a otros veterinarios usuarios del so botiquín.
Modelu de comunicación de depósitu de medicamentos pol veterinariu
DECO0064T02 - Comunicación de botiquinos veterinarios
Llexislación básica aplicable
- Real Decretu Llexislativo 1/2015, de 24 de xunetu, pol que s’aprueba’l testu refundíu de la Llei de garantíes y usu racional de los medicamentos y productos sanitarios.
- Real Decretu 666/2023, de 18 de xunetu, pol que se regula la distribución, prescripción, dispensación y usu de medicamentos veterinarios.