Llei de derechos animales
Aclaraciones sobre la Llei de protección de los derechos y el bienestar de los animales
La entrada en vigor de la Llei 7/2023, de 28 de marzu, de protección de los derechos y el bienestar de los animales dio pie a una serie de duldes a les que respondió la Dirección Xeneral de Derechos de los Animales, del Ministeriu de Derechos Sociales y Axenda 2030 al traviés del documentu Preguntes y respuestes frecuentes de la Llei 7/2023 de protección de los derechos y el bienestar de los animales
Tamién emitieron una nota informativa sobre´l seguru de responsabilidá civil pola tenencia de perros
Cuestiones non aplicables
Hai una partida d’obligaciones regulaes na Llei 7/2023 precisen un desenvolvimientu reglamentariu y que namás van ser aplicables cuando entre en vigor esi desenvolvimientu. Hasta esi momentu nun son esixibles esos requisitos de la norma y tampoco nun ye posible contestar de manera fundamentada a les preguntes sobre estes cuestiones.
Aspectos de la llei que precisen desenvolvimientu reglamentariu
- La realización del cursu de tenencia responsable pa la tenencia de perros.
- El desenvolvimientu del sistema central de rexistros pa la protección animal qu’incluye, ente otros, el rexistru d’entidaes de protección, de criadores y el de profesionales del comportamientu.
- La identificación y rexistru d’animales incluyíos na llista positiva (que nun seyan de les especies perru, gatu y furón).
- La llista positiva d’animales monteses y domésticos que pueden ser oxetu de tenencia como animal de compañía.
- Publicación de les llistes d’animales que pueden tenese como animal de compañía.
- Nel plazu máximu de 12 meses de magar entre en vigor el reglamentu de desenvolvimientu (non la Llei), el Gobiernu va publicar la llista d’especies de mamíferos monteses que queden incluyíes na llista positiva d’animales de compañía.
- Nel plazu máximu de 30 meses de magar entre en vigor el reglamentu de desenvolvimientu (non la Llei), el Gobiernu va publicar la llista d’especies d’otros grupos d’animales monteses (aves, reptiles, anfibios, pexes y invertebraos) que queden incluyíes na llista positiva d’animales de compañía.
Prohibición de determinaes especies como animales de compañía
La norma prohibe la tenencia de determinaes especies como animales de compañía si cumplen dalgún d’estos criterios:
- Artrópodos, pexes y anfibios con una mordedura o velenu que pueda suponer un riesgu grave pa la integridá física o la salú de persones y animales.
- Reptiles velenosos y toles especies de reptiles que n’estáu adultu superen los dos quilogramos de pesu, sacante nel casu de quelonios.
- Tolos primates.
- Mamíferos monteses que n’estáu adultu superen los 5 kg.
- Especies incluyíes n’otra normativa sectorial a nivel estatal o comunitariu que torgue la so tenencia en cautividá.
Las personas que tengan animales pertenecientes a especies que cumplan alguno de los criterios anteriores, tendrán la obligación de comunicar al Servicio de Vida Silvestre la tenencia los mismos antes del 29 de marzo de 2024 inclusive.
L’autoridá competente va adoptar les midíes necesaries pa la so intervención y puesta a disposición en centros de protección d’animales monteses, zoolóxicos o entidaes de protección animal atendiendo a los criterios de peligrosidá o al principiu de precaución en materia de caltenimientu de la fauna montés amenazada.
¿Quién puede resolver tus duldes?
El Serviciu de Sanidá y Producción Animal de la Dirección Xeneral de Ganadería y Sanidá Agraria (Conseyería de Mediu Rural y Política Agraria).
El Serviciu d’Axentes Medioambientales de la Dirección Xeneral de Custodia del Territoriu y Interior (Conseyería de Fomentu, Cooperación Local y Prevención de Quemes).
El Serviciu de Vida Montés de la Dirección Xeneral de Planificación Agraria (Conseyería de Mediu Rural y Política Agraria).
Aguardar a los desenvolvimientos reglamentarios de la llei pa saber si s’incluyen na llista positiva y conocer les obligaciones específiques de los responsables d’estos animales.