Programa MOVES

• Real Decretu 266/2021, de 13 d'abril, pol que se regula la concesión directa d’ayudes a les comunidaes autonómes y a les ciudaes de Ceuta y Melilla pa la execución de programes d’incentivos a la movilidá eléctrica (MOVES III) nel marcu del Plan de Recuperacion, Tresformación y Resiliencia Européu (BOE de 14 d’abril del 2021).
• Estractu de la convocatoria de subvenciones correspondientes al programa d'incentivos a la movilidá eficiente y sostenible (Programa MOVES III) nel Principáu d'Asturies (BOPA del 3 de agostu del 2021)
• Estractu de la convocatoria de subvenciones correspondientes al programa d'incentivos a la movilidá eficiente y sostenible (Programa MOVES III) nel Principáu d'Asturies (BOPA del 3 de agostu del 2021)

Les solicitúes d’ayuda correspondientes van poder cursase hasta’l 31 d’avientu del 2023, na forma qu’establezan les comunidaes autónomes y les ciudaes de Ceuta y Melilla nes sos convocatories respectives.

• Llinia 1: adquisición de vehículos eléctricos “enchufables” y de pila combustible.
• Llinia 2: implantación d’infraestructura de recarga de vehículos eléctricos

D'alcuerdu col Decretu Llexislativu 2/2014, de 22 de ochobre,

pol que s’aprueba’l testu refundíu de les disposiciones llegales del Principáu d’Asturies en materia de tributos cedíos pol Estáu, nel so artículu 14 undecies Deducción por adquisición de vehículos eléctricos:

1. Los contribuyentes qu’adquieran vehículos eléctricos nuevos “enchufables” y de pila de combustible nos exercicios 2022 y 2023, van tener derechu a aplicar una deducción del 15 por cientu de les cantidades satisfeches nel periodu impositivu pola adquisición de los vehículos mentaos.
2. Pa l’aplicación d’esta deducción, el contribuyente va tener que disponer del contratu de compraventa correspondiente.
3. La base máxima de la deducción va ser de 50.000 euros; sicasí, a los efectos de l’aplicación de la deducción, la base de la deducción va reducise, nel so casu, pol importe de les ayudes públiques percibíes pol contribuyente pa l’adquisición del vehículu. El beneficiu fiscal va resultar d’aplicación al exerciciu onde s’incurra nel gastu.
4. Namás van dar derechu a l’aplicación d’esta deducción, los vehículos nuevos pertenecientes a les categoríes descrites nel anexu I, Programa d’incentivos 1: Adquisición de vehículos eléctricos “enchufables” y de pila de combustible, del Real Decretu 266/2021, de 13 d’abril, pol que s’aprueba la concesión directa d’ayudes a les comunidaes autónomes y a les ciudaes de Ceuta y Melilla pa la execución de programes d’incentivos lligaos a la movilidá eléctrica (MOVES III) nel marcu del Plan de Recuperación, Tresformación y Resiliencia de la Economía Española.
5. Esta deducción nun va resultar aplicable a vehículos afectos al desenvolvimientu d’actividaes económiques por parte del adquirente.