Tacógrafo digital

Tipos de tarxetes de tacógrafu dixital

Conductor

Tien calter personal, identifica al conductor y dexa almacenar los datos de la so actividá a lo llargo, lo menos, de los últimos 28 díes d’actividá (31 díes pa les tarxetes emitíes n’España). El so periodu de validez ye de 5 años.

Empresa

Identifica a la empresa y dexa visualizar, imprimir y tresferir la información almacenada nel tacógrafu dixital, y activar y desactivar el bloquéu d’esti. Al igual que les de conductor, el so periodu de validez ye de 5 años.

Centru d’ensayu (tamién conocida como tarxeta de taller)

Identifica al titular y dexa probar, activar, calibrar y tresferir datos del tacógrafu dixital. Ensin una tarxeta de Centru d’Ensayu nun se van poder activar y calibrar tacógrafos. El so periodu de validez va ser de 1 añu.

Normativa

  • Orde FOM/1190/2005, de 25 d´abril, pola que se regula la implantación del tacógrafu dixital, establez la clasificación de les tarxetes de tacógrafu y les normes pa la so espedición, renovación y sustitución, amás de les sos característiques y plazos de validez. (BOE de 3 de mayu del 2005).
  • Orden FOM/2861/2012 del 13 d´avientu, (disposición final primera de modificación de la Orde FOM/1190/2005, de 25 d’abril, no relativo a la personación del interesáu, nun esixéndose la personación previa d’esti como requisitu necesariu pa la realización de los trámites y ampliándose’l tipu de permisu de conducción pa la solicitú de la tarxeta de conductor al B+E. (BOE de 5 xineru del 2013).

Ye importante saber

Les empresas tienen que disponer de, lo menos, una tarxeta de tacógrafu dixital d’empresa y tantes como seyan necesaries hasta un máximu de 62.

Tou conductor que vaya facer usu d’un vehículu dotáu de tacógrafu dixital ha tar en posesión de la so propia tarxeta de tacógrafu de conductor.

Los trabayadores autónomos tienen que solicitar tanto la tarxeta d’empresa como la tarxeta de conductor.