Casonas Asturianas
El signu distintivu «Casones Asturianes» ye la primer marca de garantía turística propiedá del Principáu d’Asturies. Creada por Decretu 69/1994, de 1 de setiembre (BOPA de 11 d´ochobre de 1994) pol que s’aprueba la utilización de la marca Casones Asturianes, modificáu por Decretu 141/2002, de 14 de payares, de la Conseyería d’Industria, Comerciu y Turismu (BOPA de 29 de payares del 2002), representa un modelu d’hotel con encantu vinculáu al territoriu y el compromisu de los anfitriones con un serviciu personalizáu, amable y profesional.
El reglamentu d’usu de la marca ta recoyíu na Resolución de 12 de mayu de 2000, de la Conseyería d’Industria, Comerciu y Turismu, pola que s’aprueba’l Reglamentu d’usu de la marca «Casones Asturianes» (BOPA de 24 de mayu del 2000), modificada parcialmente por Resolución de 10 d´ochobre de 2005, de la Conseyería de Cultura, Comunicación Social y Turismu (BOPA de 28 d’ochobre del 2005).
Anunciu d’aprobación de documentos nuevos de requisitos técnicos de les marques de garantía y calidá turística, que desenvuelven les disposiciones recoyíes nos reglamentos d’usu (BOPA de 14 d’avientu del 2018).