Alquilámoste
Programa de movilización de viviendes privaes n’Asturies
El Programa del Principáu d’Asturies "Alquilámoste" tien un oxetivu doble:
- Ayudar a los propietarios que quieran poner n’usu viviendes vacíes con seguranza y garantíes totales.
- Facilitar l’accesu al arriendu a persones y families con ingresos medios o moderaos. Trátase, d’esta manera, d’un programa de collaboración público-privada que convierte viviendes vacíes en cases actives..
El programa "Alquilámoste" regúlase a partir del Decretu 114/2025, de 27 d’ochobre, pol que se regula’l programa de movilización de viviendes vacíes pa poneles nel mercáu d’arrendamientu.
Preguntas frecuentes
Ye un programa autonómicu del Principáu d’Asturies que busca movilizar viviendes privaes vacíes pa poneles nel mercáu del arriendu. Los propietarios dexen la so vivienda n’usufructu temporal a l’Alministración, que-yos garantiza una cantidá mensual fixa y la devolución del inmueble en bon estáu.
El programa ta xestionáu pola empresa pública VIPASA, cola dirección y control de la Dirección Xeneral de Vivienda del Principáu d’Asturies.
Una cantidá mensual garantizada, ensin riesgu d’impagos.
- El caltenimientu de la vivienda al cargu de VIPASA.
- Un seguru multirriesgu que cubre la responsabilidá civil.
- La restitución del inmueble nel mesmu estáu cuando remate l’usufructu, sacante’l desgaste normal por usu.
Hasta un máximu de siete años y cuatro meses. Desque remate esi plazu, VIPASA devuelve la vivienda nes condiciones establecíes.
La cantidá calcúlase de forma oxetiva con base nel Sistema Estatal de Referencia de Precios d’Arriendu de Vivienda (SERPAVI) y nun va poder superar los 700 euros mensuales.
Dende’l día anterior a la firma del primer contratu d’arrendamientu de la vivienda. Si nel plazu de trés meses desque la vivienda s’incluya nel programa NUN s'arrienda, l’importe empieza a devengase automáticamente, sacante que’l retrasu seya imputable al propietariu.
Viviendes nueves o usaes, vacíes, inscrites nel Rexistru de la Propiedá y daes d’alta nel Catastru, que nun tean sometíes a réxime nengún de protección pública y asitiaes preferentemente en núcleos urbanos y que cumplan les condiciones d’habitabilidá y equipamientu (bañu, cocina, calefacción, electricidá, etc.).
Sí, de forma escepcional, sobre manera en conceyos en riesgu de despoblación, si se xustifica la so idoneidá y cola aprobación de la Comisión Técnica del programa.
1.º Presentar una solicitú d’incorporación dientro de la convocatoria abierta y permanente del programa, usando’l modelu normalizáu disponible na sede electrónica de l’Alministración del Principáu d’Asturies.
La solicitú pue presentase:
Preferentemente per vía electrónica, al traviés de la sede electrónica del Principáu d’Asturies
En formatu presencial, en cualquiera de los sitios previstos n’artículu 16.4 de la Llei 39/2015:
- Nes oficines de rexistru del Principáu d’Asturies, de los sos organismos públicos o de los Conceyos.
- Nes oficines de Correos, na forma establecida reglamentariamente.
- Nes representaciones diplomátiques o consulares d’España nel estranxeru, nel casu de que’l propietariu viva fuera del territoriu nacional.
- En cualquier otru rexistru electrónicu o presencial de l’Alministración Xeneral del Estáu, d’otra comunidá autónoma o d’una entidá local. VIPASA va dar asistencia técnica y informativa p’ayudar a los propietarios na presentación de solicitúes, sobre manera nel usu de medios electrónicos.
Pue vender, pero va tener qu’informar al comprador de la existencia del usufructu y de la so duración. El propietariu nuevu queda vinculáu a les condiciones pactaes.
Namás en casos escepcionales, como necesidá xustificada pa destinala a casa habitual propia o de familiares directos, siempre que tea previsto nel contratu y quede acreitao.
VIPASA responsabilízase de los deterioros derivaos d’un usu incorrectu, iguándolos o reclamando al arrendatariu. Cuando remate la cesión, el propietariu va recibila nel estáu inicial, sacante’l desgaste ordinariu.
La cesión de la vivienda al programa «Alquilámoste» pue beneficiase de ventayes fiscales.
Según la Llei 12/2023, de 24 de mayu, pol derechu a la vivienda, los rindimientos llograos pola cesión a programes públicos d’arriendu —como ésti— pueden disfrutar d’una reducción del 70 % nel IRPF.
Nel periodu de la cesión, l’IBI págalu VIPASA, como usufructuaria. En xunto, el programa combina seguranza, rentabilidá y beneficios fiscales pa los propietarios collaboradores, contribuyendo al empar a ampliar la ufierta d’arriendu algamadizu n’Asturies.
Preguntas frecuentes para las personas arrendatarias
Persones físiques o unidaes de convivencia con ingresos ente 2 y 7,5 veces l’IPREM (Indicador Públicu de Renta d’Efectos Múltiples), calculáu en 14 pagues (ente 16.800 y 63.000 euros).
Son viviendes de titularidá privada incorporaes al programa polos sos propietarios, en bon estáu y con equipamientu básicu. Tán xestionaes dafechu por VIPASA, que garantiza’l so caltenimientu.
L’accesu a una vivienda del programa «Alquilámoste» realízase con convocatoria pública, abierta y permanente, dictada pola Conseyería competente en materia de vivienda.
La solicitú pue presentase:
- Preferentemente per vía electrónica, al traviés de la sede electrónica del Principáu d'Asturies
- En formatu presencial, en cualquiera de los sitios previstos n’artículu 16.4 de la Llei 39/2015:
- Nes oficines de rexistru del Principáu d’Asturies, de los sos organismos públicos o de los Conceyos.
- Nes oficines de Correos, na forma establecida reglamentariamente.
- Nes representaciones diplomátiques o consulares d’España nel estranxeru, nel casu de que’l propietariu viva fuera del territoriu nacional.
- En cualquier otru rexistru electrónicu o presencial de l’Alministración Xeneral del Estáu, d’otra comunidá autónoma o d’una entidá local.
Les persones solicitantes habrán apurrir la documentación acreitativa d’ingresos y demás requisitos (como declaraciones del IRPF, nómines o certificaos de pensiones). VIPASA va dar asistencia técnica y informativa p’ayudar a los propietarios na presentación de solicitúes, sobre manera nel usu de medios electrónicos. Si cumplen les condiciones establecíes nel Decretu, van incorporase al programa y van pasar a formar parte de la llista d’almitíos, ordenada por fecha de solicitú. Esta llista caltiénse actualizada y publicada na web del programa «Alquilámoste», onde pue consultase l’estáu de les solicitúes.
Por orde rigorosu de solicitú y d’alcuerdu a la disponibilidá. VIPASA ufierta la vivienda al solicitante, que dispón de 10 díes hábiles p’aceptala. Depués de l’aceptación, la Conseyería dicta resolución d’axudicación y fírmase’l contratu d’arrendamientu.
Si refuga una vivienda trés veces siguíes, queda escluyíu de la llista un tiempu de seis meses, anque pue volver al programa desque pase esi tiempu.
La renta ponse d’alcuerdu col informe técnicu de valoración de la vivienda emitíu por VIPASA, aplicando una reducción mínima del 10 % sobre la cantidá pagada al propietariu, pa garantizar un arriendu inferior al valor de mercáu. Amás, el Decretu establez que la suma de la renta y, si ye’l casu, de los gastos repercutíos (como l’IBI) nun va poder superar el 30 % de los ingresos de la persona arrendataria o de la so unidá de convivencia. D’esta manera, el programa asegura que les families nun destinen más d’una tercer parte de los sos ingresos al pagu del arriendu.
Los suministros (agua, lluz, gas) son al cargu del arrendatariu.L’IBI pue repercutise total o parcialmente, si s’establez de manera espresa nel contratu, pero respetando’l tope del 30 % de los ingresos familiares como esfuerciu económicu máximu.
La establecida na Llei d’Arrendamientos Urbanos (LAU), coles prórrogues llegales, pero nunca más allá de la duración del usufructu cedíu a VIPASA.
Sí, dientro del plazu de vixencia del usufructu. L’arrendatariu tamién pue arrenunciar a la renovación comunicando la renuncia a VIPASA con 30 díes d’antelación.
- Viviendes en condiciones afayadices y con caltenimientu garantizáu.
- Precios moderaos y estables.
- Procedimientos tresparentes d’axudicación y actualización de rentes.
- Asistencia y xestión integral de VIPASA.
- Incumplimientu de les obligaciones contractuales.
- Falsiamientu de datos económicos.
- Estinción del usufructu de la vivienda.
- Causes previstes na Llei d’Arrendamientos Urbanos.
L’arrendatariu caltién el contratu vixente, yá que’l propietariu nuevu tien que respetar la duración del usufructu constituyíu a favor de VIPASA.