Identificación animal

El Sistema d’identificación pa la especie bovina consta d’estos elementos:

• Marques d’identificación individual de cada animal (CROTALES convencionales)
• El Plazu máximu pa la identificación (regla xeneral): 20 díes dende la fecha de nacimientu
• El Principáu d’Asturies facilita al ganaderu/a, de baldre, los crotales identificadores al nacimientu, soscribiendo pa ello’l contratu públicu oportunu. Nel casu de precisar duplicáu del crotal entregáu (por perda o estrozu), el costu cuerre al cargu del ganaderu/a
• Dende’l 23/12/2023, AZASA suministra los crotales nestes condiciones:
  • Preciu por cada crotal duplicáu: 2 €
  • Preciu del unviu al domiciliu del ganaderu/a. Les modalidaes d’unviu son corréu ordinariu (al preciu de 4,75 €) y corréu certificáu (al preciu de 10 €), independientemente, en dambos casos, del númberu d’unidaes solicitaes
  • La recoyida na Oficina Comarcal ye de baldre
• Documentu d’Identificación Bovina
• Llibru de Rexistru d’Esplotación Ganadera
• Rexistru d’identificación individual d’animales y Rexistru de movimientu de ganáu (RIIA/REMO): Base de Datos informatizada xestionada pola Alministración, dependiendo de les comunicaciones del ganaderu, onde consten los datos de cada animal amás de los movimientos d’animales a otros CEA'S

Plazos MÁXIMOS de comunicación al RIIA de:

• Nacimientos y muertes: 7 días
• Cambeos na información obrante en RIIA: 7 días

El Sistema d'identificación de los equinos consta d'estos elementos:

• Marques d’identificación individual de cada animal (Trespondedor inyectable o crotal. ¡NOVEDÁ! A partir del 2 de xineru del 2024, l’usu de crotal namás ta permitíu p’aquellos animales menores de 12 meses que vaigan dir directamente dende la esplotación de nacimientu al mataderu. Los demás équidos tienen que s’identificar con un microchip
• A lo llargo del 2024, el Principáu d’Asturies pon en marcha un Procedimientu DE BALDRE d’identificación al traviés de microchip inyectable d’aquellos animales de crianza y renta menores de 1 añu d’edá, y que va consistir en:
  • Va facese por profesionales acreitaos del mediu propiu de l’Alministración (Tragsatec), d’alcuerdu col encargu formalizáu con esa mira
  • Hai que llamar al teléfonu 608480742 pa comunicar los datos básicos de los animales que se quier identificar: ha comunicase’l CEA de nacimientu, fecha de nacimientu, especie, capa, raza, sexu y identificación de la madre. Tamién tien qu’informar sobre’l sitiu onde se prevé facer la identificación. Amás tienen que se proporcionar los datos de contactu
  • TRAGSATEC va agrupar los avisos recibíos pa facer la identificación, polo que la llamada tien que se facer con calter antemánau polo menos con un mes a la fecha na que se quiera identificar al animal
  • Desque tea planificada la ruta d’identificación TRAGSATEC va comunicar telefónicamente a cada ganaderu/a la fecha prevista d’identificación
  • El día de la identificación el/la ganaderu/a va cumplimentar una solicitú colos datos del animal y el personal de TRAGSATEC va entrega-y una copia y va quedar col orixinal
  • El/La ganaderu/a tien que presentar a los veterinarios de TRAGSATEC el llibru de rexistru de la esplotación qu’ha tar primero cumplimentáu colos datos del animal a identificar (fecha de nacimientu, sexu y madre) pal so selláu
  • El personal de TRAGSATEC va xestionar la entrega de los pasaportes a los titulares de los animales
  • Dientro de los 3 díes posteriores a cuntar dende la implantación del microchip, el personal de TRAGSATEC va dar d’alta a los animales na base de datos
  • ¡IMPORTANTE! Anque se disponga del pasaporte, los movimientos de salida de la esplotación d’identificación NUN VAN PODER facese hasta que los animales tean rexistraos na base de datos
  • La identificación de los équidos al traviés d’esti procedimientu nun supón costu nengún pal/pa la ganaderu/a
• Plazu máximu pa la identificación: 1 añu dende la fecha de nacimientu
• Especialidaes: Pa identificar a los de más de 1 añu d’edá, el titular de los equinos va encomendar al so cargu a un veterinariu acreitáu la identificación, quien va implantar un microchip nel animal. De siguío el/la ganaderu/a tien que’acudir a la so oficina comarcal pa dar d’alta l’animal na base de datos cola copia de la fueya de campu. Estos animales van ser non aptos pal consumu humanu
• Documentu d’Identificación Equina (DIE) o pasaporte, con un númberu permanente únicu (conforme al sistema UELN) válidu pa tola vida del animal
• Llibru de Rexistru d’Esplotación Ganadera
• Rexistru d’identificación individual d’animales y Rexistru de movimientu de ganáu (RIIA/REMO): Base de Datos informatizada

El Sistema d’identificación pa lo ovino y lo caprino consta d’estos elementos:

• Marques d’identificación individual de cada animal (CROTAL convencionalelectrónicu)
• Plazu máximu pa la identificación (regla xeneral): 9 meses dende la fecha de nacimientu
• El Principáu d’Asturies facilita al ganaderu/a, DE BALDRE, los crotales identificadores al nacimientu, soscribiendo pa ello’l contratu públicu oportunu. Nel casu de precisar duplicáu del crotal el costu cuerre al cargu del ganaderu/a
• Dende’l 23/12/2023, DATAMARS IBÉRICA SLU suministra los crotales nestes condiciones:
  • Preciu por cada kit de crotal convencional + crotal electrónicu: 2 € (nel casu de solicitar una de les dos partes del kit, el preciu va ser la metá)
  • Preciu del unviu al domiciliu del ganaderu/a. Les modalidaes d’unviu son corréu ordinariu (al preciu de 4,75 €) y corréu certificáu (al preciu de 10 €), independientemente, en dambos casos, del númberu d’unidaes solicitaes
  • La recoyida na Oficina Comarcal ye de baldre
• Llibru de Rexistru d’Esplotación Ganadera
• Rexistru d’identificación individual d’animales y Rexistru de movimientu de ganáu (RIIA/REMO): Base de Datos informatizada xestionada pola Alministración, dependiendo de les comunicaciones del ganaderu, onde consten los datos de cada animal amás de los movimientos d’animales a otros CEA'S

Plazos MÁXIMOS de comunicación al RIIA de:

• Nacimientos y muertes: 3 meses
• Cambeos na información obrante en RIIA: 7 días

El Sistema d'identificación para lo porcino consta destos siguientes elementos:

• Marques d'identificación individual de cada animal (CROTALES)
• Llibruo de Rexistru d'Esplotación Ganadera

El Sistema d’identificación pa lo apícola consta d’estos elementos:

• Marques d’identificación: Cada caxellu ha tar identificáu permanentemente, en sitiu visible y de forma llexible, con un códigu d’identificación, que va ser únicu pa cada esplotación
• Llibru de Rexistru d’Esplotación Ganadera

El Sistema d’identificación pal sector avícola consta d’estos elementos:

• Marques d’identificación
• Llibru de Rexistru d’Esplotación Ganadera

El Sistema d’identificación pal sector cunícola consta d’estos elementos:

• Marques d’identificación
• Llibru de Rexistru d’Esplotación Ganadera