Axenda 2030

Información sobre los oxetivos de desenvolvimientu sostenible y cómo los algamar.

¿Qué ye l´axenda 2030?

L’Axenda 2030 ye una Resolución del Plenu de Naciones Uníes col títulu Tresformar el nuestru mundu: l’Axenda 2030 pal Desenvolvimientu Sostenible. Aprobóse’l 25 de setiembre del 2015. Con ella quier vinculase a los países que formen parte de la ONU en 17 Oxetivos de Desenvolvimientu Sostenible con un horizonte temporal puestu nel 2030.

¿Qué son los oxetivos de desenvolvimientu sostenible?

Los Oxetivos de Desenvolvimientu Sostenible formen parte d’una llamada a l’acción promovida dende Naciones Uníes cola mira de llograr un mundu más sostenible y más xustu y foron determinaos pente medies d’un procesu de consulta internacional qu’empezó nel 2012 y remató nel 2015. Determináronse 17 Oxetivos interconectaos que van dexanos llograr esi fin en temátiques tan distintes como cambéu climáticu, desigualdá, consumu sostenible o paz y xusticia, ente otros. Ye un retu de la comunidá internacional que n’Asturies facemos nuestru.

¿Cuálos son los 17 oxetivos de desenvolvimientu sostenible?

Los 17 Oxetivos de Desenvolvimientu Sostenible son:

  • Oxetivo 1. Fin de la probitú (poner fin a la probitú en toles sos formes y en tol mundu).
  • Oxetivo 2. Fame cero (acabar cola fame, algamar una alimentación segura, ameyorar la nutrición y promover l’agricultura sostenible).
  • Oxetivo 3. Salú y bienestar (garantizar una vida sana y promover el bienestar de toos a cualquier edá).
  • Oxetivo 4. Educación de calidá (garantizar una educación inclusiva y equitativa de calidá y promover oportunidaes d’aprendimientu permanente pa toos).
  • Oxetivo 5. Igualdá de xéneru (llograr la igualdá de xéneru y empoderar a toles muyeres).
  • Oxetivo 6. Agua llimpia y saniamientu (garantizar la disponibilidá y la xestión sostenible del agua y el saniamientu pa toos).
  • Oxetivo 7. Enerxía accesible y non contaminante (garantizar l’accesu a una enerxía accesible, fiable, sostenible y moderno pa toos).
  • Oxetivo 8. Trabayu decente y medría económica (promover la medría económica sostenida, inclusiva y sostenible, l’emplegu plenu y productivu y el trabayu decente pa toos).
  • Oxetivo 9. Industria, innovación y infraestructura (construyir infraestructures resilientes, promover la industrialización inclusiva y sostenible y fomentar la innovación).
  • Oxetivo 10. Mengua de les desigualdaes (amenorgar la desigualdá nos países y ente ellos).
  • Oxetivo 11. Ciudaes y comunidaes sostenibles (llograr que les ciudaes y los asentamientos humanos seyan inclusivos, seguros, resilientes y sostenibles).
  • Oxetivo 12. Producción y consumu responsable (garantizar modalidaes de consumu y producción sostenibles).
  • Oxetivo 13. Acción pol clima (adoptar midíes urxentes pa combatir el cambéu climáticu y los sos efectos*).
  • Oxetivo 14. Vida submarina (caltener y utilizar sosteniblemente los océanos, los mares y los recursos marinos pal desenvolvimientu sostenible).
  • Oxetivo 15. Vida d’ecosistemes terrestres (protexer, restablecer y promover l’usu sostenible de los ecosistemes terrestres, xestionar sosteniblemente les mates, lluchar contra la desertificación, detener y invertir la degradación de les tierres y detener la perda de biodiversidá).
  • Oxetivo 16. Paz, xusticia y instituciones sólides (promover sociedaes pacífiques y inclusives pal desenvolvimientu sostenible, facilitar l’accesu a la xusticia pa toos y construyir a tolos niveles instituciones eficaces y inclusives que rindan cuentes).
  • Oxetivo 17. Aliances p´algamar oxetivos (fortalecer los medios d´implementación y revitalizar l´Alianza Mundial pal Desenvolvimientu Sostenible).

¿Cómo vamos algamar los oxetivos?

Pa cumplir l’Axenda 2030 vamos precisar de la collaboración de toos y toes. Vamos precisar d’una alianza d’Alministraciones públiques, sector priváu, sociedá civil y ciudadanía comprometío en dexar a xeneraciones futures un planeta y una sociedá más sostenible y más xusta. N’Asturies tamos yá trabayando nello.