Salú y Bienestar - Oxetivu de Desenvolvimientu Sostenible 3
Garantizar una vida sana y promover el bienestar de toos a cualquier edá
N’Asturies tenemos una de les mayores esperances de vida del mundu. El nuestru sistema sanitariu y sociosanitariu tien muncho que ver neso. Porque cuando falamos de Salú nun falamos namás de Sanidá, sinón de Bienestar, d’una vida saludable que nos dexe vivir más años, pero tamién vivilos como persones actives y autónomes.
Tenemos que siguir comprometíos na meyora d’eses condiciones de vida, menguando les causes de muerte comunes y avanzando na erradicación d’enfermedaes, pa lo que la innovación y los avances científicos van tener muncho que dicir.
Les metes que marcó Naciones Uníes pa esti ODS na Axenda 2030 son:
3.1 D’equí al 2030, reducir la tasa mundial de mortalidá materna a menos de 70 por cada 100.000 nacíos vivos.
3.2 D’equí al 2030, poner fin a les muertes evitables de naciatos y de neños menores de 5 años, llogrando que tolos países menguen la mortalidá neonatal lo menos a 12 por cada 1.000 nacíos vivos y la mortalidá de los neños menores de 5 años lo menos a 25 por cada 1.000 nacíos vivos.
3.3 D’equí al 2030, poner fin a les epidemies del SIDA, la tuberculosis, la malaria y les enfermedaes tropicales desatendíes y combatir la hepatitis, les enfermedaes tresmitíes pol agua y otres enfermedaes tresmisibles.
3.4 D’equí al 2030, reducir nun terciu la mortalidá prematura por enfermedaes non tresmisibles cola so prevención y tratamientu, y promover la salú mental y el bienestar.
3.5 Afianzar la prevención y el tratamientu del abusu de sustancies adictives, inclusive l’usu indebíu d’estupefacientes y el consumo nocivu d’alcohol.
3.6 D’equí al 2020, reducir a la metá’l númberu de muertes y mancadures causaes por accidentes de tráficu nel mundu.
3.7 D’equí al 2030, garantizar l’accesu universal a los servicios de salú sexual y reproductiva, incluyíos los de planificación familiar, información y educación, y la integración de la salú reproductiva nes estratexes y nos programes nacionales.
3.8 Llograr la cobertura sanitaria universal, incluyida la protección contra los riesgos financieros, l’accesu a servicios de salú esenciales de calidá y l’accesu a medicamentos y vacunes inocuos, eficaces, algamadizos y de calidá pa toos.
3.9 D’equí al 2030, menguar considerablemente’l númberu de muertes y enfermedaes causaes por productos químicos peligrosos y pola polución y contaminación del aire, l’agua y el suelu.
3.a Afianzar l’aplicación del Conveniu Marcu de la Organización Mundial de la Salú pal Control del Tabacu en tolos países, según proceda.
3.b Sofitar les actividaes d’investigación y desenvolvimientu de vacunes y medicamentos contra les enfermedaes tresmisibles y non tresmisibles qu’afecten sobre manera a los países en desenvolvimientu y facilitar l’accesu a medicamentos y vacunes esenciales algamadices d’alcuerdu cola Declaración relativa al Alcuerdu sobre los Aspectos de los Derechos de Propiedá Intelectual Rellacionaos col Comerciu y la Salú Pública, onde s’afirma’l derechu de los países en desenvolvimientu a usar al máximu les disposiciones del Alcuerdu sobre los Aspectos de los Derechos de Propiedá Intelectual Rellacionaos col Comerciu no tocante a la flexibilidá pa protexer la salú pública y, sobre manera, dar accesu a los medicamentos pa toos.
3.c Aumentar considerablemente’l financiamientu de la salú y la contratación, el perfeccionamientu, la capacitación y la retención del personal sanitario nos países en desenvolvimientu, sobre manera nos países menos adelantaos y los Estaos insulares pequeños en desenvolvimientu.
3.d Reforciar la capacidá de tolos países, sobre manera los países en desenvolvimientu, en materia d’alerta temprana, reducción de riesgos y xestión de los riesgos pa la salú nacional y mundial.