TDT: difusión y adecuación a 4G y a 5G

La difusión de la TDT n’Asturies faise dende un total de 348 centros xestionaos pola empresa Cellnex-Retevisión y pol Principáu d’Asturies. Preséntase equí una llista d’estes instalaciones, detallando’l sitiu exactu, la entidá xestora y los servicios disponibles actualmente. Amás, facilítase un cálculu de la cobertura dada a cada llugar por estos centros de difusión. Si se diere dalguna incidencia, les canales de comunicación existentes son estes:

• Emisiones contrataes poles cadenes a Cellnex (en color naranxa na llista de centros y canales por centru, que pue consultar nesta mesma páxina): directamente al teléfonu 902 502 222
• Demás centros: el Conceyu va recoyer la información que se precise nel modelu de comunicación d’incidencies, disponible nesta páxina, qu’ha unviase a telecoysi@asturias.org.

Desque remató’l procesu del segundu dividendu dixital (lliberación de la banda de 700MHz), los operadores axudicatarios d’esta banda de telefonía móvil tán espardiendo la tecnoloxía 4G-5G nes frecuencies que primero usaba’l serviciu de televisión. Ye posible que la recepción de la señal de televisión pueda vese afectada en dalgunos edificios o cases mui averaes a les estaciones de telefonía móvil. Énte cualquier dulda al respective d’esti procesu, o si observa problemes na recepción de televisión, contacte cola entidá Llega700 al traviés de la so web o nel teléfonu gratuitu 900 833 999 lo más aína posible, porque’l plazu pa reclamar la resolución de les incidencies con cargu a los operadores de telefonía móvil remata a los seis meses desque se prienda la estación interferente.

Na páxina web Televisión digital y nos teléfonos d’atención ciudadana 910 889 879 - 901 201 004 pue consultase la información pública que’l Ministeriu competente en materia de telecomunicaciones ufierta sobre la TDT y el procesu d’adaptación al dividendu dixital.